Тимот на Антонио Конте продолжува со одличната победничка серија во Премиер лигата и се држи на +6 од Ливерпул и Арсенал. Сите честитки за вчерашниот гостински триумф против Сандерленд одат кај Тибо Куртоа кој оваа интервенција ќе си ја гледа на најавните шпици.

Последен пат кога овие две екипи се сретнаа во Бундеслигата, Томас Милер го постигна еден од најубавите голови во кариерата. Инаку нивниот дуел се игра во недела 15:30.

Еден од најинтересните натпревари следното коло во Серија А се очекува да биде дуелот меѓу Лацио и Фиорентина. 15 години наназад, исто во декември месец оваа средба донесе една бомба на Хернан Креспо, во тоа време еден од најдобрите напаѓачи во Италија.

По 112 години постоење, ФИФА годинава конечно им ја олесни работата на судиите кои немаат око соколово и кога нема да видат чист пенал или ќе го досудат по грешка, страдаат и тие и нивните мајки. Најголеми битки за да им се помогне водеше новинарот кој има изгледано 15 Мундијали.

На Светското клупско првенство кое во моментов се игра во Јапонија, на мечот Атлетико Национал - Кашима, унгарскиот судија Виктор Кашаи реши да прегледа забавена видео снимка од еден дуел и да досуди пенал врз основа на виденото. Ова е историски момент и првпат на официјален меч се користи забавена видео снимка.

Еден од најугледните шпански весници во табелата за освојување гласови за Златната топка, Марез го направи Турчин, Обамејанг Нигериец, а Модриќ Србин.

Минатата недела браќата Нико и Роберт Ковач ги продолжија договорите со Ајнтрахт Франкфурт до 2019. година. Не дозволија „орлите“ да испаднат лани од Бундеслига, а сега хрватските специјалисти го носат тимот во зоната на евро-куповите.

Кога пред да потпише за Реал Мадрид во 2009-та изјави дека играњето во напад не е негова позиција, Роналдо практично погреши, бидејќи таа позиција и головите со кои решета веќе седум години му помогнаа да освои четири Златни топки.

Топџиите синоќа имаа 0:1 на гости против Евертон, но домаќинија се изборија за целосен пресврт и победа од 2:1. За навивачи на Арсенал со слабо срце последната минута од судиското продолжение не е за гледање. Не се знае кој јаде, кој пие.

Единсон Кавани беше икона кај навивачите на Наполи. Италијанските новинари не престануваа со комплименти за него, а Уругваецот го воодушеви и Диего Марадона. Но во Париз налета на Златан Ибрахимовиќ од чија сенка излезе сезонава.

Со повеќе од двојно гласови од Меси, Кристијано Роналдо стигна до освојувањето на Златната топка број 4 во својата кариера и му се доближи на својот ривал кој има само една повеќе. Заслугите за тоа одат најмногу поради освојувањето на ЛШ и ЕП во иста година.

Ако ве праша некој кои екипи мислите дека сезонава примаат најмалку голови во прво полувреме, сигурно прво ќе ви текне на Баерн Минхен, Јувентус или Челси. Баерн и Челси се тука некаде, ама не се најдобри.

Никогаш до сега во историјата немало толку мал број на земји кои имаат свои претставници во топ 16 фазата од Лигата на шампионите.

На Балканот последните неколку недели гласно се зборува околу новата регионална фудбалска лига, а од УЕФА не само што дадоа зелено светло туку и одредија богат награден фонд за учесниците. Но Балканот не би бил Балкан ако нема потешкотии.

Фудбалерите на Фиорентина остварија важна победа против Сасуоло од 2:1 со која ги поминаа Торино и Интер и се искачија на 7-та позиција. Никола Калиниќ ги постигна двата гола. Вториот е за големи пофалби.

За тинејџер кој е растен во Норвешка, земја каде фудбалот не е спорт број 1, зачудува изведбата на ваков ретко виден потег на кој сигурно нема да подзамижи ниту неговиот колега Кристијано Роналдо.

Сте слушнале ли за Дики Бортвик? Тешко дека сте слушнале бидејќи неговата приказна звучи неверојатно. Тврди дека игра фудбал од 1947 година.

Капитенот на Македонија, Горан Пандев синоќа со Џенова му гостуваше на својот поранешен клуб Интер со кои освои сè што можеше да се освои. Курва Норд, северната трибина на „Џузепе Меаца“ не го заборавила Македонецот и со скандирање го поздрави при неговото влегување во игра во 79’ минута.

Турците имаа крвав викенд со 38 жртви кои загинаа во терористички напад во близина на стадионот на Бешикташ, а тоа донесе потресна слика и солидарен гест на играч со полицијата.

Од сите тие милиони фанови на Кристијано Роналдо кои го следат на Фејсбук и Инстаграм, треба да обрнете внимание на само еден. Ај што “ги има“ неговите потези, туку и го чува до столната ламба.

Името Али Диа во Англија е синоним и жаргон за преварант, лажго, измамник, лицемер и престапник. И тоа само поради легендарниот трансфер на извесен Сенегалец во Саутемптон каде наводно доаѓа на „лична препорака“ на Жорж Веа кој „се колнел“ во неговиот талент.

Манчестер Јунајтед за противник во нокаут фазата во Лига Европа го доби Сент Етјен, дуел на кој е фаворит и дуел кој за некој беше инспирација да ископа нешто вакво.

По извлекувањето на двојките за Лига на шампиони, стандардно по еден час беа извлечени и дуелите за нокаут фазата во Лига Европа. По три години некоја друга екипа ќе го крене овој пехар бидејќи Севиља е осминафиналист во ЛШ.

На денешната ждрепка во Нион беа извлечени двојките за осминафиналната рудна во најелитното клупско европско натпреварување.