Битолчанецот кој долги години го носеше дресот на македонската фудбалска репрезентација доби неверојатна чест во својот втор дом - Мајнц каде за последен пат го носеше дресот на омилениот клуб. Среќно понатаму Николче.

Џиџи Буфон нема по добро да го памти 170. меч во репрезентацијата затоа што Италија загуби убедливо 3-0 од Шпанија и сосема сигурно ќе остане втора зад Шпанија во нашата група Г.

По серијата одлични игри во овој квалификациски циклус, на македонската фудбалска репрезентација конечно и се посреќи. Втора победа после онаа со Лихтенштајн 0:3 и втора на гостински терен.

Со повратникот, капитен и лидер на тимот, Горан Пандев, со “сицилијанското“ дуо Несторгол - Трајковски, со новиот адут на Лидс, Алиоски, потоа со големите освежувања од младинската селекција од каде доаѓаат меѓу другите, Вардарецот Бобан Николов и новиот специјалист за слободни удари Енис Барди, Македонија може и мора да има подобри фудбалски резултати. Напред момци, одиме на победа против Израел и Албанија.

Фудбалерите на Рома славеа 4:1 на пријателска средба против бразилскиот тим, а честитките на сите актери на терен отидоа кај Алан Рушел кој по гостувањето на Камп Ноу, имаше незаборавна ноќ на Олимпико.

Ноќта меѓу четвртокот и петокот, Уругвај и Аргентина одиграа исклучително важен меч од квалификациите за Свветско првенство а лидерите на двете селекции заедно ја промовираа кандидатурата за Светско 2030 во двете земји.

Важи за феномен затоа што смени еден куп врвни напаѓачи и може да се каже дека има најсигурно место во составот на Реал. Не е дека не дава голови, дава и мести асистенции ама тоа што знае да го промаши он, не може никој.

Селекцијата на Чиле синоќа доживеа дебакл на домашен терен од Парагвај 0:3 во мундијалските квалификации. Најголемиот срам и нервоза го изеде Артуро Видал кој го отвори резултат со автогол на годината. Фудбалерот на Баерн Минхен веќе извесен период е мета на критичарите во својата земја и денеска преку Твитер се закани со заминување од репрезентација.

31 август си замина, завесата е спуштена, пазарот со купување играчи во најпопуларните 5 фудбалски првенства во светот извади импозатни бројки: Направени се 1.665 трансфери за 4 милијарди фунти. Во топ 10-те најскапи трансфери во историјата, летово влегоа Нејмар, Дембеле и Лукаку.

Еден од најскапите трансфери во историјата на фудбалот го направи тинејџерот кој од Монако премина во ПСЖ на позајмица со право на откуп од 180 милиони евра за да не се прекрши фер плејот на ФИФА и УЕФА.

Во период од 3 месеци ова лето Интер бил поврзуван со 175 играчи, пазете 175 со кои може да се состават седум екипи. Тие со болд се нивни играчи, а другиве веројатно служеле колку за полнење новини и борба за повеќе кликови. Некои медиуми едноставно знаат да зајдат со шпекулации за трансфери. Кај нас на пример не многу одамна се пишуваше дека Вардар го бара Аршавин што излезе дека везе нема муабетот.

Само две минути му требаа на Роналдо да го отвори резултатот на мечот Португалија - Фарски Острови од квалификациите со страшна ножичка.

Многу млади фудбалери мечтаат за да стигнат до Англија, а такви од кај нас се ретки. Вака од прва ни текна на Христов, Шаќири, Седлоски, Шумуликоски и Попов кои заиграа во елитата. Алиоски сезонава дебитираше во Чемпионшип, што за него е остварување на сонот. Го цени тоа.

Кога Жорже Мендеш ќе се вмеша во некој трансфер, тогаш сè станува поинтересно. Благодарение на него, Лацио меѓу новите тројца играчи има засилување кое беше мета на Мурињо, Арсенал и Барса.

Нередите, инцидентите, календарите и распоредите се мачкина кашлица за ФИФА во однос на тоа ако треба да се справува со евентуален пласман на Украина на Мундијалот во Русија догодина.

Успехот кој го остави Клаудио Раниери во Лестер е нешто што навивачите никогаш нема да го заборават. Од тогаш се случи уште една сезона во Премиер лигата, па месецов почна нова, но тие не застануваат со благодарности.

Во цел метеж при доаѓањето на Аргентина во хотел во Монтевидео каде утре вечер игра против Уругвај квалификации за Светско, Меси здогледува едно мало дете кое сака да земе автограм и да се слика со него ама обезбедувањето го трга експресно брзо.

Ако легендарниот германски голман добие прашање: Кога ве направиле најголем мајмун во игра еден на еден, ќе треба да се наврати во 1993-та кога бранеше за Карлсрухер, а во нападот на Ајнтрахт Франкфурт играше легендарниот Нигериец, Окоча. Со Кан го оркаа уште тројца од негова екипа.

Оваа игра толку многу напредна што легендарната едиција 1999/2000 од оваа перспектива ни изгледа праисторија. Ама ќе се согласите дека се играше со најголема страст од сите останати верзии наваму.

Љубителите на фудбалот во земјава ќе можат во живо да ја следат фудбалската есен на Вардар со блок карти по мошне популарни цени. Има и поединечни влезници за секој меч посебно.

За Максим Максимов Европа разбра откако се изнадава голови во квалификациите за Лига Европа во дресот на анонимниот литвански прволигаш Тракаи кој играше против Шкендија во третото коло.

Хозе де Хесус Корона брани за Круз Азул во мексиканската лига. Има 36 години ама тоа не му смета да скока како мачка. На дуелот против Монтереј одбрани 4 неверојатни шута. Во кариерата има 4 меча за репрезентацијата. Во декември 2010 Депортиво сакал да го купи но тој решил да остане во Круз Азул.

По 25 години верност и негување маестрален фудбал со многу голови, асистенции и тимска игра, Франческо Тоти од оваа сезона го гледаме скоцкан во ложа. Хранеше плејада на напаѓачи со топки, меѓу нив Монтела, Касано, Батистута, Делвекио, Вучиниќ, Тони...Тие што добро го следeле, му направиле фантастична компилација и тоа само со неговите уникатни додавања на прва.