Меси во 2005-та за малку ќе го дале во Кадиз

Еден од најдобрите ако не и најдобар фудбалер во историјата лесно можел да заврши во шпанскиот нисколигаш Кадиз. Како што пишува "Mundo Deportivo", трансферот бил речиси готов во 2005-та.

Пред скоро 13 години за првиот тим на Барса играа Роналдињо, Жили и Самуел Ето па Меси немал простор за игра и сакале да го продадат во поскромен клуб.

Весникот пренесува и дека единствен човек кој не сакал да слушне за трансферот бил тренерот на првиот тим Франк Рајкард. Холанѓанецот забранил било каква продажба или позајмица на Лионел Меси.