Ете до таму отиде радоста на Мексиканците кои ја урнаа Германија и драстично се доближија до осминафиналето на Мундијалот во Русија. Од многу скокање се вклучил алармот од кој секој човек го фаќа страв.

Неговите се од Гватемала. Се преселиле во Мексико додека Ирвинг уште бил во стомакот на мајка му а во земјата каде што се родил единствена шанса за успех му била да го прави тоа што најдобро го знае.

Фудбалерите на Египет беа тврд орев за Уругвај во вториот меч од првото коло во групата А, а и покрај поразот од 1:0, голманот на Египет беше прогласен за најдобар поединец на мечот.

Девет години играат заедно во Реал Мадрид и што се вика знаат како дишат меѓу себе, ама тоа не е никаква гаранција дека може да си одмогнат кога ќе се сретнат во репрезентативен дрес. Тешко можеш да му најдеш слабост на Кристијано, особено не од пенал. Рамос му покажа на Де Хеа каде да се фрли, а овој го послуша и се заеба.

Малком Трнбол, премиерот на Австралија во директно обраќање до шефот на тамошниот носител на тв права за Светското побарал што поскоро да ги средат проблемите од техничка природа за народот да може да гледа Мундијал како што треба.

Аргентина тргна лошо на Мундијалот и ги разочара своите навивачи со оние 1:1 против Исланд. Ама овој што го снимиле скрена целосно и претпоставуваме дека ставил многу пари на Гаучосите.

Мексико го направи најголемото изненадување во досегашниот тек на Светското откако го победи светскиот шампион. Во земјата тотално лудило а пред мечот Чичарито се расплака на интонирање на химната.

Навивачи на Мексико и Колумбија држат навивач на Египет во количка за да може да го гледа дуелот на неговата репрезентација.

Сигурно не сте го заборавиле по шоуто на Европското 2016. Гудмундур Бенедиктсон или скратено Гуми Бен. Кога Ханес Хандорсон му одбрани пенал на Меси збудале од среќа.

Светскиот шампион Германија изгуби 0:1 од Мексико а Швајцарците го задржаа Бразил на 1:1 и освоија драгоцен бод.

Со мајсторијата на фудбалерот на Рома во 56' минута, репрезентацијата на Србија победи со 1-0 на отворањето на групата Е во која се уште и Бразил и Швајцарија.

Финале ли е или групна фаза? Уругвај го победи Египет со 1:0 на минута до крај, а од тоа произлезе најубавото видео до сега на Мундијалот. Ни доаѓа од едно уругвајско школо каде не се знае кој каде трча. Срцки.

Илија Несторовски и Александар Трајковски за жал не успеаа со Палермо да се изборат за кам бек во Серија А, откако вечерва го загубија реваншот од плејофот со Фрозиноне со 2:0 (на првиот дуел Сицилијанците славеа 2:1). Скарани се фудбалерите на Фрозиноне со фер плеј. Фрлаа топки на сред игра за да се губи време. Кутри.

Без блескава игра, но со искуство и поквалитетен играчки кадар, селекцијата на Хрватска ја доби Нигерија со 2:0, но без ниту еден нивни гол од игра. Првиот беше автогол, а вториот пенал кој за разлика од претходните на Аргентина и Перу, Модриќ го претвори во погодок.

Селекцијата на Перу доби пенал на крајот од прво и не го искористи, а можеше многу порано уште на стартот на мечот да добие уште еден. Сè се случи пред очите на судијата, кој не почувствува потреба ниту да се повика на ВАР, а имаше прекршок.

Лионел Меси и Кристијан Куева се двајцата несреќници во третиот мундијалски ден со промашен пенал. Треба да одат на часови кај Томас Дилејни од Данска кој има специфичен нишан.

Во вториот натпревар од Ц групата, Данска го совлада Перу со 1:0, а Кристијан Куева во финишот од првиот дел се посрамоти со удар кој заврши високо над голот на Шмајхел.

Дебитантот на Мундијалите го скроти двократниот Светски првак кој и покрај ултра силниот напад со Меси, Ди Марија и Агуеро, како и Дибала и Игуаин на клупа не успеа да ја совлада малата островска земја. Асот на Барселона на 1:1 пропушти златна шанса да го реши мечот.

Селекцијата на Франција ги освои планираните 3 бода во групата ц, каде е фаворит за првата позиција. За головите на Франција помогнаа ВАР и гол технологијата со чип во топката која фунционира беспрекорно за разлика од судиите кои работат во кабина.

Во дербито на првото коло видовме шест убави голови а Кристијано Роналдо постигна три гола од кои третиот за бод беше право ремек дело од слободен удар. Португалија - Шпанија 3:3.

Уште во првиот напад на Португалија во 3’ минута Кристијано Роналдо тргна кон противничкиот гол и после еден дриблинг врз соиграчот од Реал Начо, падна на земја а Џанлука Роки досуди пенал против Шпанците.

Вториот меч на денот, а прв во групата Б попладнево се одигра во Санкт Петербург на стадионот „Крестовски“  пред 62.548 гледачи. Трите бода ги освои Иран кој победи со автогол на Бухадуз.

По петардата на Русија над Саудиска Арабија на отворањето во Москва, денес во вториот меч од групата А во Екатеринбург Уругвај потешко од очекувањата го скрши отпорот на „Фараоните“.

Се вика Таки, од Крушево е, навива за Лацио и ни испрати едно фасцинантно ремек дело сработено заедно со свој другар, излезено во средношколскиот весник на училиштето „Наум Наумовски Борче“ во 2002/2003. Ц-А-Р-Е-В-И.