Само месец дена е паузата меѓу крајот на Светското и почетокот на топ 5 националните првенства кои ги чекаме со душа. Завесата први ја креваат Германците на средината од август, а ние ви ги издвојуваме дерби пресметките за кои треба да бидете укотвени пред Тв.

Во екот на пријателските подготвителни натпревари пред стартот на новата сезона во националните првенства, за овој викенд имаме двајца голгетери за одбележување. Едниот е Пјаниќ кој ја рогна од преку 50 метри на мечот меѓу Рома и Манчестер Јунајтед, а вториот не е голгетер, а требаше да биде. 

Во екот на летниот трансфер период, најголемите европски екипи кои ќе ги гледаме во новата сезона од најквалитетното клупско европско натпреварување, ги засилуваат и освежуваат своите тимови. „Кралевите“ со помош на новите имиња силно ќе атакуваат на одбрана на трофејот.

Капитенот на камерунската репрезентација, Самуел Ето е обвинет од поранешната девојка за ширење нејзини голи фотографии по интернет. „Сака да ми изнуди пари, ова е смислено“ - се брани Камерунецот.

Кога една прес конференција на тема спорт има поголема посетеност од премиера во Народниот театар во Загреб, тогаш навистина станува збор за нешто посебно. Пресот го свикал Здравко Мамиќ.

Ландон Донован и Дејвид Бекам не се единствените фудбалери за кој сте чуле дека заиграле во земјата на кошарката и бејзболот. МЛС лигата секое лето добива по некоја нова фудбалска ѕвезда, а последните двајца пристигнаа од Челси и Атлетико Мадрид.

Поранешниот тренер на Интер, Јувентус, Рома и Монако е назначен за нов селектор на грчката фудбалска репрезентација кој стигна до осминафиналето на Мундијалот во Бразил.

Блекпул ја откажа турнејата во Шпанија поради недостиг на фудбалери, а навивачите протестираа против претседателот на клубот кој по завршувањето на минатата сезона се поздрави со 27 фудбалери. Првото тролање пристигна од Чарлтон. 

Домингез, Дјамантикос и Бухалакис му го расипаа дебито на Пипо Инзаги на клупата на Милан кој загуби од Олимпијакос со 3:0. Покрај грчките фудбалери кои го изненадија поранешниот европски првак, привилегија имаа и двајца навивачи кои не ги чепна обезбедувањето додека прават селфи фотки со играчите на терен.

Челси за новата сезона купи две големи ѕвезди како Фабрегас и Диего Коста, но синоќа од срамен пораз против австрискиот клуб РЗ Пелетс ги спаси тинејџер. Се работи за Жереми Бога роден 1997 година кој почна да игра за тимот од Лондон уште од тимот У12.

Со 114 настапи и 21 гол, Стивен Џерард пред два дена донесе одлука да ја заврши 14 годишната репрезентативна кариера. Кога тој бил стрелец, Англија никогаш не загубила, а така беше и на оние 2:2 против Македонија во Саутемптон во 2002 година. Тој е роден да ја носи капитенската лента уште од дете.

Чави Алонсо е 10 години постар од Карвахал, но тоа не се приметува во овој спринт во кој искуството победи пред младоста.

По завршувањето на Мундијалот, оние кои учествуваа имаа краток одмор и добија дозвола подоцна да им се приклучат на своите клубови во претсезонските подготовки. Ѕвездата на Колумбија најде време и за маалски фудбал со деца, во градот каде ја почна кариерата.

Италијанскиот прволигаш е активен на трансфер пазарот летово, но не заборава ниту на минатото. Во домот на римската волчица засекогаш ќе останат Анчелоти, Фелер, Алсидас Гиџа и Винсент Кандела.

На Олимпискиот стадион во Рим на 1 септември ќе се одигра хуманитарен натпревар на кој ќе учествуваат сегашни и поранешни фудбалски ѕвезди од целиот свет, соопшти Светата столица во Ватикан.

Фудбалерите на Атлетико Минеиро лани славеа во елитната Копа Либертадорес, а синоќа во возбудлив меч со два автоголови на екипата на Ланус во продолженијата, стигнаа до првиот трофеј во Рекопа Судамерикана, своевидниот Супер куп на Јужна Америка.

Прво да завршиме со сеирот и да кажеме дека човеков на овие години да беше во Италија сигурно ќе играше за Милан. Ама уште со време се има вратено во Перу, па може да дочека на 37 години да игра во прва лига и да нè почести со спектакуларен гол.

Поранешниот бразилски репрезентативец не е воопшто добар пример за успешна и долга кариера. Од четирикратен освојувач на Скудетото со тимот на Интер, постои можност да заврши во италијанска аматерска лига.

Екипите на Хоја Лорка, Депортиво Луго и Културал Леоненса можеле слободно да си направат изложба на дресови на која би се оценувало кои се најлоши.

Митот за бетонскиот столб го урна Маноел од Крузеиро. Ако порано противнците се одбиваа од Лусио како од карпа, сега тој доживеа ногдаун.

Фабрицио Пишители, водачот на навивачите на Лацио е во затвор од 25 септември лани, а државата решила да му го одземе имотот во вредност од преку 2 милиони евра.

Со доаѓањето на колумбискиот напаѓач, во навалната линија од средниот ред на Реал Мадрид се создаде голема гужва. Доколку не се остварат трансферите на Кедира и Ди Марија, Анчелоти нема да знае кого попрво да стави во првиот тим.

Кралскиот клуб прв почна неконтролирано да фрла пари за трансфери и во топ 10 листата на најскапи фудбалери во историјата има пет за кои се опрчија 406 милиони евра. Втори се Каталонците кои за Ибрахимовиќ, Нејмар и Суарез потрошија 245.5 милиони европски банкноти.