Папата Франциско го сака фудбалот и навива за Сан Лоренцо. Неколку пати и самиот гледал натпревари во живо, а на негова иницијатива на први септември ќе се одигра натпревар за хуманитарни цели во главниот град на Италија.
Официјалните лица од Ватикан информираат дека покрај Меси и Зидан, на Олимпико во Рим ќе се појават и легендарниот Роберто Баџо, потоа Самуел Ето, Јапонецот Нагатомо од Интер, Пирло, Буфон, Хавиер Занети и многу други ѕвезди.
Токму сонародникот на Папата, Хавиер Занети е промотор на ревијалниот натпревар кој е договорен уште од минатата година кога капитенот на Интер беше кај него на прием со репрезентацијата на Аргентина.
