И покрај тоа што ги освои височините на европскиот и светски фудбал, Лео Меси игра уште со жар и ја живее својата втора младост во Америка. Дебитираше на денешен ден со мајсторија во 94-та минута, за победа на Интер Мајами над Круз Азул од Мексико со 2:1. Урлаа на трибини сите, од Ким Кардашијан, Серена Вилијамс до фамилиите на Бекам и Меси. Две години подоцна: 58 гола 25 асистенции.

Бомбастичен трансфер падна кај нашите соседи. Марко Арнаутовиќ и официјално е нов играч на Црвена Ѕвезда.

Стартуваше Европскиот младински олимписки фестивал (ЕМОФ) Скопје 2025, најмасовен спортски настан досега во Македонија, која прими над 4.000 спортисти меѓу 14 и 18 години. За интонирање на македонската химна се погрижи хорот на Националната опера и балет.

Голчишта на сите страни и тоа во јули месец, кога мируваат куп првенства. Прво во Јапонија, па во Полска и сега во Јужна Кореја, каде втора година игра Џеси Лингард за тимот на Сеул. Ја издиша топката.

Кашима Антлерс против Кашива Рејсол. Никој не можеше да го предвиди, овој целосно неочекуван удар на мајстор Лео Сеара. Бомба.

Пољаците ја почнаа новата сезона викендов и уште во прво коло падна мајсторија. Ама од оние кои ретко се гледаат, со голчиште од речиси мртов агол. Бекот Јан Гжешик од Радомијак Радом ги изненадите сите на дуелот против Погон Шчечин.

Од 2004-та е активен, а за четири дена полни 39 години. Не е застанат со торпедирање за Атлетико Минеиро. Има 128 гола во последните 5 години. Што ти е стара коска. Испука две бомби од слободен удар против Палмеирас кој славеше со 3:2, а во судиско уште една за 3:3, ама му ја фатија.

Лео Меси веднаш им се врати на головите, по само еден натпревар пауза, кој Интер Мајами го загуби со 3:0 од Синсинати. Даде два комада и направи две асистенции за победа над Њујорк Ред Булс од 5:1. Прекрасен пас до Жорди Алба на Меси, уште појако додавање на Бускетс до Меси. Има 13 гола и 5 асистенции на последните 8 меча.

Прво фати да го имитира Нејмар, па Кристијано Роналдо. Со помин да е младичу.

После 2:2 во регуларниот дел, Англија и Шведска во четвртиналето на ЕП мораа да изведуваат пенали. Сведоци сме веројатно на најлошото соочување на удари од 11 метри. Од 14 шутеви, дури 9 беа утки и Англија победи со 3:2.

Сопственикот на АЕК Атина, Мариос Илиопулос, го промовира Марко Николиќ за нов тренер, откако лани ја водеше ЦСКА Москва. Директ во лице му кажа што очекува од него, а на крај викна силно на српски. Петте зборови кои ги потенцираше се моќ, страст, гордост, работа и дисциплина.

Масимилијано Алегри прави кам бек во Милан по 11 години. Тогаш им донесе Скудето и Супер Куп на Италија, а потоа се прослави во Јувентус со 12 трофеи. Ќе има тешка задача, а тоа е да го врати победничкиот менталитет на тимот, кој имаше лоша сезона и остана без пласман во Европа. Ова се неговите принципи на работа.

Белградски Партизан отсекогаш имал добри голмани, а летово се решија на гол да застане 34-годишниот малку познат Марко Милошевиќ кој во кариерата бранел претежно во помали српски клубови и во Казахстан и Унгарија. Синоќа на реваншот со АЕК Ларнака додека Партизан водеше 1-0 и ја надомести негативата од 2-1, во 90+5' минута од судиско продолжение одбрани пенал и осигура продолженија.

Во морето натпревари во квалификации за трите европски купа синоќа на северот од Европа се случи чудесен пресврт.

Вардарци одиграа 2:2 во реваншот против Ла Фиорита, но одат понатаму поради триумфот од 3:0 на Градски. Избраниците на Гоце Седлоски ја имаа победата в раце и на овој натпревар, но дефанзивецот Георгие Јанкулов по грешка го лобувааше својот голман во судиското продолжение. Во второто квалификациско коло од Конференциската лига Вардар се среќаваа со Лозана од Швајцарија. Првиот меч се игра на 24 јули во Скопје.

Во ситуација кога некои премиерлигаши трошат како пијани коцкари и за стотици милиони носат нови засилувања, екипи како новиот премиерлигаш Лидс Јунајтед се надеваат дека сезонава ќе пловат на атмосферата на „Еланд Роуд“ и касапскиот епитет. Како овој од времето кога се играше некој друг, витешки фудбал.

Имаме опасно ретро на денот со најјаката Парма која и ден денес се зборува и кај нас. Бандата слави Куп на УЕФА 1999 со пехарот лупнат на маса место вазна. Кркаат пица во комбинација со кока кола, пивце, винце. Во финале го тепаа Олимпик Марсеј со 3:0. Тренер Алберто Малезани.

Гуга Фудс, следен од 5,2 милиони луѓе на Јутјуб, го седнува Александар Волкановски да проба бифтек спремен на три начини, кој изгледа брутално добар. Едната верзија е со сол, втората со тони намаз од лук од кој бифтекот не ни се гледа и третата лук плус чили сос. Ако не сте ручани, ќе си направите проблеми со видеово.

Релацијата Комити - Миленко е нефункционална со месеци, односно откако Неделковски е директор на клубот. Војната обично ја водат преку Фејсбук, а навивачите дополнително и со протести од трибини. Неодамна ги објавивме скандирањата на Комити против Миленко. Да го видиме сега неговиот одговор.

Само што го прослави својот 18-ти роденден кој предизвика големи проблеми и му донесе тужби и пријави зошто ангажирал џуџиња да служат како келнери и нудел десетици илјади евра за девојки бирани според посебни критериуми за да бидат гостинки на роденденот, Ламин потпиша нов богат договор со Барселона.

Сте чуле ли до сега, домаќин или општо некој клуб да води 1:0 до 90-та минута, а потоа во судиско да прими 5 и да има 36 минути судиско продолжение?

Извесен Саша, таксист кој живее и работи во Њујорк а инаку е од Москва, ги возел Андреј Аршавин и негов пријател. Кога пријателов го прашува таксистот за кого навиваш во нашата лига, овој вика „ама баш никогаш не сакав да гледам руска Премиер лига“. Подоцна пријателов му кажува дека еден руски фудбалер му дал 4 гола на Ливерпул на „Енфилд Роуд“. Еве го позади тебе во кола.

А тренер на Фламенго веќе некое време е некогашниот лев бек на Атлетико Мадрид и Челси Филипе Луис, некогашен соиграч на Нејмар од репрезентација. За време на дуелот Сантос - Фламенго во бразилската Серија А, Нејмар му ја протна низ нозе на Луиз кој од прва не го сфати баш најдобро тоа.