Атлетико Мадрид го совлада убедливо Бетис со 4:1 во претпоследното коло од Ла Лига. Првиве ќе играат во ЛШ, вториве во ЛЕ. Прво уживајте во страшниот слободен удар на Хулиан Алварез, а потоа во акробацијата на Пабло Форналес кој доби топка во стилот на Иниеста.

Зад името на Деклан Рајс сезонава ќе останат запишани низа на атрактивни голови. Уште се зборуваат двете негови ремек дела против Реал Мадрид, а викендов постигна многу важен гол во директниот дуел за ЛШ со Њукасл. Убавиот погодок значи 3 бода и математички пласман на втора позиција за Топџиите.

Секаде во финишот на сезоната има драматични завршници, солзи радосници, прослави и таги. Некој ќе се радува на шампионска титула, некој на пласман во еврокуп, некој ќе тагува што неговата екипа испаднала во втора лига. Ама она што му се случи на Ајакс е најболен момент на сезоната.

Во последното коло од француската Лига 1, Стразбур кој се бореше за еврокупови и беше при горниот дел на табелата цела сезона, се сретна во неделата со Ле Авр кој се бореше грчевито за опстанок. Домаќините водеа на два пати, но гостите се враќаа. На крај во 90+9-та минута од судиско продолжение пенал за Ле Авр! Се приближува Абдулаје Туре кој и претходно даде гол од пенал. Во последни секунди шут за опстанок во лигата.

На драмата во Серија А и нема крај. Парма - Наполи 0:0, Интер - Лацио 2:2 со пенал во 90-та минута на Педро. И сега обрнете внимание на реакцијата на Марко Арнаутовиќ пред гол во судиско. Ова може да ги кошта титула.

Шампионската трка за скудето во Серија А синоќа достигна кулминација. Во неверојатен финиш каков што само фудбалот може да режира, Интер на коло пред крајот буквално го допре пехарот со раце но на крај веројатно титулата ќе оди во Неапол.

Барселона ја освои шампионската титула во Ла Лига пред една недела и со денови траат прославите на освоениот трофеј. Синоќа Барса изгуби 2:3 дома од Виљареал кому многу му значеше овој натпревар за пласман во еврокуповите. Се забавуваа домаќините а уживаше и син му на голманот Војчех Шчесни.

Сезоната за Барселона е завршена, титулата е заверена, па резултатски ништо не им менува поразот дома од Виљареал со 2:3. Како и да е, Ламин продолжува да се забавува. Овие голчишта со продор од лево, веќе почнаа да стануваат негов белег. Пазете го податоков. Тој е прв играч сезонава во топ 5 лигите во Европа со 150 дриблинзи.

Се врати од пензија на 73 години, после четири децениска тренерска кариера и ја презеде Рома по трет пат, со цел да ја спаси од тешката криза. Од долниот дел на табелата, ја истурка до битка за ЛШ со неверојатна серија од 19 меча без пораз која им ја прекина Аталанта. Но викендов го победија Милан и сега се петти. Тифозите на Рома го испратија со сите нишани на неговиот последен меч на Олимпико. Во последно коло Рома му гостува на Торино.

Напаѓачкото дуо од Палермо, распали викендов во хрватскиот шампионат. Александар Трајковски ја сруши Ријека, а Илија Несторовски постигна прекрасен погодок за Славен Копривница на дуелот против Горица кој заврши 4:0.

Македонскиот репрезентативец е човек на одлука на дербито во Хрватска. Влезе во игра и по само 4 минути игра ја реши Ријека.

Челси го победи Јунајтед со 1-0 со голот на Кукуреља и ја продолжи трката за Лига на шампиони. Во судиското продолжение кога цела клупа на Челси и сите играчи креваа раце од судијата да свири крај поскоро, еден глупан влета во терен и го пролонгираше продолжението дополнително. Редари му влегоа ко рагбисти.

Јан Зомер на 36 години доживува втора младост. Погледнете со какви топки, односно топчиња му изгледа еден тренинг.

Името Карло Анчелоти има и ќе има посебна тежина на Сантијаго Бернабеу. Со него завршува една славна и многу тешко достижна ера. Тоа што него му успеа, не го можеше никој во 123 години Реал Мадрид. Заминува како апсолутен рекордер со 15 трофеи. Мигел Муњоз на времето освоил 14. Зидан има 11. Нема четврто тренерско име со двоцифрен број на трофеи.

Легендарниот македонски напаѓач кој стигна до Бундеслигата и успеа да стекне статус на легенда во Нирнберг, има посебна почит спрема своите сонародници. Секоја чест за финишот мајсторе.

Што ли купувале Тотенхем и Манчестер Јунајтед кои ќе испаднеа за малку сезонава или Арсенал? Па трофеј со очи немаат видено овие три екипи. На Манчестер Сити му се исплати овој влог, тројна круна освоија, а најинтересен е податокот на Реал Мадрид. Со 5 милиони евра вложени изминативе 5 години за одбрана, освоиле 12 трофеи од кои две во ЛШ.

Ваква среќа пред еден гол во фудбал не се видела.

Лондонскиот гигант од учесник во финале на Лига на шампиони падна толку ниско што сезонава едвај спаси жива глава од испаѓање од Премиер лига. Ама на крај може да ја спасат цела сезона зошто стигнаа дури до финале на Лига Европа каде противник ќе им биде Манчестер Јунајтед. Победникот ќе оди во Лига на шампиони. А баш против Јунајтед капитенот и лидер на тимот, Кореецот Сон постигна фантастичен гол. Избран е од навивачите за најубав на Спарс сезонава.

Кристијан Виери, Франческо Тоти, Винсент Кандела, Луиџи Ди Бјаџо и Фабио Канаваро. Тоа е славниот состав во еден кадар, кој се собрал на Олимпико за финалето од Купот на Италија меѓу Милан и Болоња.

Ламин Јамал е најголема фудбалска ѕвезда во моментов, двократен шампион на Шпанија, европски првак со репрезентацијата на Шпанија и освојувач на шпанскиот Куп. Има само 18 години. Што е познато за неговото семејство?

Барселона повторно покажа, после неколку години, дека нивната фудбалска школа, фабриката Ла Масија е прав извор на таленти. Во првиот тим на Каталонците последниве пар сезони главен збор водат деца од нивната академија. Ламин Јамал веќе е светска ѕвезда а има само 18 години. Тука се уште и Гави, Педри, Кубарси, Ињаки Пења, Фермин Лопез, Дани Олмо, Марк Бернал, Ектор Форт, Балде, Марк Касадо... Токму последниов кој синоќа беше на клупата за резерви при шампионското гостување кај Еспањол (0:2), подоцна дошол на познатата фонтана Каналетес во Барселона да слави со навивачите.

Во уште една возбудлива завршница на шпанскиот фудбал, Барселона заслужено прва минува низ целта. Каталонците играат невозможно убав фудбал, ефикасни се на ниво на славната генерација на Лионел Меси и ја намалија разликата во титули со Реал Мадрид.

Барселона со еден од најдобрите напади на светот заслужено стигна до шампионска титула во шпанска Ла Лига и по освоените Супер Куп на Шпанија и Кралски Куп, ги обедини сите три пехари сезонава.

Општо лудило и внатре и надвор од стадион. Првиот човек на Барселона слави во соблекувална како ултрас, а надвор настана тотална блокада пред колите на играчите. Јамал и Араухо од кров им се појавија на навивачите.