Последната епизода насилства во турскиот суперлигашки фудбал на програмата одеше минатиот викенд за време на дербито Трабзонспор - Фенербахче. Во не така далечно минато се случија сериозно насилни настани.

Хокејот е најпопуларен спорт во Шведска. Доказ за тоа е и прославата на шампионскиот трофеј на Фролунда во хокеарското првенство на оваа скандинавска земја. Со бакљи, со огномети, со триста салтанати.

Паузите измеѓу четвртините и тајм-аутите, воопшто не се досадни во НБА лигата ако камерите знаат каде треба да зумираат. Платен или не за ова глупирање ваквиот ков на навивач секогаш го краде вниманието на публиката.

Кога фудбалот ви е во крв уште од детството и го сакате вашиот клуб без разлика колку години имате. Како на пример ова девојче, навивач на шпанскиот второлигаш Алкоркон.

Војната меѓу навивачите на Лидс и тврдоглавиот италијански газда не престанува. Уште кога го купи клубот пред две години и веднаш го отпушти тренерот, тие протестираа облечени како мафијаши, а најновиот притисок му го направи 15 годишен навивач кој му испрати писмо.

Навивачите на Ливерпул одамна не уживаа на едно дерби против Евертон како вчера. Со 4 прекрасни гола го испратија комшискиот состав, а во еден момент непрестано го диригираа славеничкото „оле“!

Аргентинската тифо сцена е незгодна и за жал често пати во тој фудбалски дел од планетата паѓаат и жртви. Но тие дечки знаат да направат толку добра фешта, што на човек му доаѓа да им ја запее и научи химната па и во случај да не им го сакате клубот. 47 секунди со навивачите на Бока Јуниорс кои ќе ви летнат за 5.

Пред 4 години Глазгов Ренџерс беше четвртолигаш, а минатиот викенд го елиминираше Селтик во полуфинале од шкотскиот ФА купот. Двајца другари пеналите кои завршија 5:4 за Ренџерс ги проследија многу емотивно, но без кошкање и покрај тоа во живот не би си смениле дрес.

Онаа шупана кај стадион карши Томче Софка живи нервози ни правеше со години додека чекавме карти во колони бидејќи беше само таа и имаше 2-3 шалтери. Сето тоа веќе со години во светот оди онлајн, но има моменти кога не те спасува ниту хакер.

Додека сите тие што скокаат на терен кога ќе почнат да трчаат држат еден правец, а тоа е само право, навивачов има цик - цак тактика и никој не успеа да го фати, се додека не дојде моментот кога реши да им попушти пред гол. Се работи за мечот меѓу Зенит и Спартак Москва кој се одигра викендов.

Човек што не следи фудбал, а се најде вечерва на овој стадион нема да има појма зошто сите навивачи пејат една иста песна. Дами и господа, звучките мора посилно за да чуете како звучи YOU'LL NEVER WALK ALONE на Енфилд Роуд со заеднички сили од грлата на навивачите на Ливерпул и Борусија Дортмунд.

Моќната Барселона која во последните 10 години 4 пати ја освои Европа, втор пат во нокаут фазата од ЛШ не успева да се справи со момците на Симеоне. Навивачите тоа знаат одлично да го наградат и да направат фешта од пред почетокот на мечот па се до последниот свиреж на судијата. Еден од навивачите снимал и тоа го поделил во етапи.

Дисциплинската комисија при шпанската фудбалска федерација му изрече казна на клубот од Барселона, поради навредливите скандирања и пароли за Шакира, сопругата на Пике.

„Мислите дека ако одам во затвор, насилството ќе престане? Дали навистина верувате дека ако нè однесат сите на едно место и нè стрелаат, сè ќе се заврши? Не, тоа нема да заврши. Знаете зошто? Затоа што е наследно" - рекол на суд лидерот на La 12, Рафаел ди Зео.

Ривалитетот меѓу Сплит и Загреб е толку голем што неколку обиди за примирје меѓу навивачите и заедничко бодрење на репрезентацијата завршуваа неславно. Имаа епизоди од Малта и Андора, преку Скопје и Јапонија до плоштадот Бан Јелачиќ во Загреб.

Ѕвездата на Вест Хем Јунајтед и Франција, Дмитри Паје игра чудесна сезона во која нема да чуди ако неговиот тим обезбеди настап во Лигата на шампионите следната 2016/2017.

Поради реновирање на стадионот во Тетово, Шкендија своите домашни натпревари ги игра во скопската населба Чаир, домот на прволигашот Шкупи. Навивачите на овие два клуба неколку години имаа пријателски односи, но вчера на мечот Шкендија - Силекс дошло до тепачка меѓу Балистите и Шверцерите.

Редарот на теренот до трибините им заличил на популарниот пеач Ед Ширан, па неколку навивачи на рагби тимот Мунстер му го запеаа големиот хит Thinking out loud.

Filbert Street е името на стариот стадион на Лестер кој го користеа од од 1891-ва до 2002 година, а оваа слика е стара 88 години и е направена во петтото коло од ФА купот против Тотенхем.

За оваа бабичка пензионерски живот не значи дека треба само дома да дреме во фотеља, да гледа серии и да плете. Таа оди на стадион, го бодри Вест Хем, ама го бодри од 1934 година.

Викендов имаше каубојско однесување на стадионот во Чаир, римско дерби без навивачи и полно Ел Класико со скоро 100.000 навивачи. Но рангот и квалитетот на фудбалот не е секогаш пресудни за интересот на публиката, а тоа се виде во Неготино.

Кога едноминутно молчење се одвива пред 60.000 луѓе на стадион, а никој не зуцнал, тогаш може да се каже дека навистина мува да пројде ќе се слушне. Ајакс - Цволе во чест на Јохан Кројф.

Некогашното големо дерби Слога (денес Шкупи) - Вардар ниту попладнево не мина без сериозни инциденти. Шверцерите во првиот дел фрлаа предмети на теренот а со стаклено шише бил погоден Горан Попов. По завршувањето на мечот кој Вардар го доби 0-1, десетина хулигани влегле во теренот и ги нападнале гостинските фудбалери Томе Пачовски и Бобан Грнчаров, а најтешко поминал Дамир Којашевиќ кој со боксирач бил удрен во носот.