Јуве одигра само 1:1 против Нант во плејоф натпреварите од Лига Европа. Мечот донесе многу драми во вториот дел. Судијата во 95-та гледаше ВАР за евентуален пенал, а претходно Киеза имаше убава прилика за гол и се изначуди како топката не влезе.

Мечот меѓу Јувентус и Нант од ЛЕ кој заврши 1:1, донесе многу специфична цитуација во 95-та минута која на главниот судијата му требаше многу време да ја реши со помош на ВАР. Дали да се досуди пенал за Јуве поради играњето со рака или па фаул во напад?

Трабзонспор е првиот турски клуб кој одигра фудбалски натпревар после катастрофалниот земјотрес во кој загинаа илјадници луѓе. Кореографијата и обединувањето го засенија мечот.

На тренинг на Милан со првиот тим кај тренерот Стефано Пиоли се појавил и 16-годишниот син на Златан, Максимилијан Ибрахимовиќ.

Работнички пред неколку дена го совлада Гостивар убедливо 98:63, ама без публика поради казната што ја доби клубот за навредите на навивачите кон првиот човек на КФСМ Перо Антиќ. И покрај тоа што немаа можност да влезат во сала, навивачите на Работнички успеаа да испратат порака.

Во недела кога топ тема во фудбалот е Лига на шампиони, Италијанците ќе ти извадат меч со лудо сценарио кое не паметиме дека некогаш се случило во прволигашки фудбал.

Секој што прати кошарка сака да ужива во забивања, ама овој пат предност ќе им дадеме на дриблинзите на Џејсон Татум од Бостон и Ламело Бол од Шарлот кои заслужуваат и повисоки позиции од број 5 и 4. Многу јако, посебно потегот на Татум.

Секогаш ведар, насмеан, наоружен за шега и мајтап. Ќиро Блажевиќ пред еден меч на славната хрватска селекција која освои трето историско место на Светско првенство 1998-ма му одговара на некој странски новинар на прашање поврзано за тогаш најдобриот светски шпиц Габриел Батистута.

Напатените топџии кои 19 години сонуваат за титула во Премиер лига ја прокоцкаа долгата лидерска предност и сега со натпревар помалку се втори зад Манчестер Сити со кој имаат ист број на бодови. Некој тоа го прогнозирал, промашувајќи само еден гол кој секако не менува ништо.

Што сè нема по светов. Двајца млади ликови кои фасцинантно личат на суперѕвездите на ПСЖ, се облекле во опрема на парискиот клуб, оној што го глуми Нејмар па ставил и долгнавеста капа ко него и влегуваат во една париска вежбална. Полна теретана млад свет кој вежба а овие двајца вадат тазе топли пици и им даваат на сите. На крај на главниот инструктор му прекипе па ги фати за уши.

Младинците на Јувентус се пласираа во финалето на Купот на Италија за Серија Ц и подолните дивизии после победата над Фоџа на пенали. Претходно младите бјанконери во регуларните 90 минути го стигнале резултатот 2-1 од првиот меч. Двата гола ги дал 17-годишниот холандски стопер Дин Хујсен. Уште на рана возраст е висок 195 сантиметри а пред Јувентус играл во Малага. Роден е 2005-та во Амстердам и никогаш не играл за Ајакс.

Во пресрет на вечерашниот мега-дуел од 1/16 финале на Лига Европа, се потсеќаме на едно култно четвртфинале на Куп на Куп победници на 7 март 1984-та, кога Барселона пред повеќе од 80.000 гледачи го пречекува Манчестер Јунајтед. После две недели на реваншот Брајан Робсон прави чудо.

Англискиот првак Манчестер Сити го совлада Арсенал на гости 1-3 среде „Емирати“ и со освоени три бода но и меч повеќе се искачи на првото место. Ова дерби беше заостанат дуел од 12. коло во Премиер лига па се играше синоќа.

Денвер Нагетс во дербито на вечерта го совладаа Далас Маверикс 118:109 а мечот го одбележија сјајните Лука и Никола. Денвер убедливо е прв на Западот и ја забележа третата победа во серија.

Еден од протагонистите на светскиот првак Аргентина, можеше да блесне уште на првиот меч во ЛШ за Челси откако направи трансфер од Бенфика вреден 120 милиони. Фантастичен удар на 22 годишниот играч од среден ред и уште подобра одбрана на голманот на Борусија.

Кога навивачите на Борусија Дортмунд ќе извадат кореографија, тоа е секогаш спектакуларно и уникатно. Блеснаа против Челси, а потоа ја загрмија „You will never walk alone“. Клип од прекрасната атмосфера на Сигнал Идуна Парк си направи и газдата на Челси, Американецот Тод Боли.

Со финансиски средства и останати логистички ресурси на овој ентитет во текот на 2023/24 година, Алкалоид ја официјализираше новата соработка како генерален спонзор на Македонската таеквондо федерација.

21 годишниот Карим Адејеми кој минатото лето ја засили Борусија од Салцбург, постигна гол кој ќе се врти на компилациите на УЕФА. Челси на реваншот ќе стартува со негатива од 1:0, а Клуб Бриж ќе има многу потешка работа, бидејќи загуби дома од Бенфика со 0:2.

Кога играше во топ форма беше најјак во свет, ама не остана долго време на врвот. Штета, инаку кој знае уште што ќе направеше за Јутјуб. Одиме со еден јак исторски момент поврзан со него и социјалната мрежа која го промени светот.

Кралот на Австралија опен за време на прошетка со Јелена во Нови Сад, го испочитува трудот на еден уличен свирач.

Легендарниот српски фудбалер Синиша Михајловиќ е одликуван со орден на свечена церемонија на денот на независноста на Србија.

Култниот Ф1 тим Мерцедес го претстави официјално својот нов болид за новата сезона. Се вика W14 и ќе треба да гори асфалт во големите битки со Ферари и Ред Бул. На презентацијата беа и главните пилоти на тимот, Луис Хамилтон и Џорџ Расел, како и резервниот адут Мик Шумахер.

Профилот 433 посветен на фудбалските настани, решил да ги собере сите ликови кои ептен многу личат на познатите фудбалски ѕвезди. Од разни страни во светот ги донел на едно место.

Петта година по ред Агенцијата за млади и спорт им дели финансиска помош на македонските федерации, клубови и индивидуални спортисти. Ама стално има некои нејаснотии околу доделувањето. На пример врз кој критериум ќе земе пари Ренова која лани се повлече од прва лига?