Ливерпул го ишамара Јунајтед за сите пари, ама за време на прославата на еден од головите, Клоп му беше ифрит лут на навивач кој влета на терен. Во преносот не се виде глупоста која ја направи црепот. Некој од трибина најдобро го снимил тоа за да го долови. Робертсон се виткаше.

Од скромната понеделничка фудбалска програма го издојуваме снаодливиот Јан Карамо кој ги направи попара пред гол кој како му дојде, за победа на Торино против Болоња од 1:0.

Атлетико Мадрид го искали сиот бес од неефикасноста сезонава над Севиља. Тимот од главниот град на Шпанија со 6-1 ги демолираше гостите од Андалузија и го сочуваа третото место на табела зад Барселона и Реал Мадрид. Сезонава Атлетико немал ваков меч. По два гола дадоа Депај и Мората, а по еден Караско и Гризман.

Некогашниот репрезентативец на Југославија кој беше член на селекцијата која на Светското првенство 1990-та стигна до четвртфинале па испадна на пенали од Аргентина на Марадона, Предраг Спасиќ има тешка животна судбина.

Милвоки Бакс го совлада Вашингтон Визардс со 117:111 на гости и го задржа лидерското место на Истокот. До 46-ти триумф во сезоната ги носеше Јанис Адетокумбо со 23 поени, 13 асистенции и 10 скока за негов четврти трипл-дабл сезонава. Интересно, до овој учинок стигна во последна секуна кога намерно промаши шут сам под кош, со цел да ја фати одбиената топка и тоа да му се води како скок или фатена топка.

Чудната епизода со просечниот центарфор на Јувентус Моизе Кин кој само што стапна на терен на стадионот „Олимпико“ во дербито со Рома, после 40 секунди доби црвен картон затоа што му удри клоца на стоперот Џанлука Манчини, не е ни прва ни последна.

Рома го совлада Јувентус со 1:0 во големото дерби на италијанската Серија А и ја прекина серијата од 4 победи по ред на бјанконерите. Навивачите на Јувентус од самиот пораз повеќе ги изнервира реакцијата на нивниот резервен центарфор Моизе Кин кој влезе во игра во 89’ минута и за само 40 секунди доби директен црвен картон откако буквално му удри клоца Манчини.

Петти март 2023-та година ќе го паметат уште многу долго навивачите на Ливерпул, но и оние на Манчестер Јунајтед. Гостите од „Олд Трафорд“ го претпреа најтешкиот пораз во последните 92 години! Ливерпул ги прегази со 7:0 и оствари историски триумф. При прослава на еден од головите, прекрасната вечер на Енфилд Роуд можеше да ја расипе еден глупчо кој влета во терен и при судир со редарите закачил двајца играчи на Ливерпул кои се пожалија на повреди.

Брага игра одлична сезона во португалската Примеира, има 17 победи, 1 нерешена и 5 порази и со гол разлика 50:22 освои 52 поени после 23 кола. Интересно Брага е трета со само два бода зад Порто на местото кое води во Лига на шампиони и 10 бода зад лидерот Бенфика. Синоќа Брага со 2-0 го совлада Рио Аве а вториот гол на мечот, дело на Симон Банѕа во 79-та минута беше ЧУДЕСИЈА.

Фудбалерите на Ливерпул го истурија целиот бес од слабите резултати сезонава над најголемиот ривал и тоа со најубедлива победа во историјата на меѓусебните средби и еден од  највисоките триумфи во историјата на англискиот фудбал воопшто.

Ако на некој македонски напаѓач најдобро му лежи фудбалот во Кипар, тоа дефинитивно е Иван Тричковски кој од 2018-та до сега има шест хет-трикови во дресот АЕК Ларната. Последниот го запиша против Паралимни за победа од 3:1. Тричко следниот месец полни 36 години, кои воопшто не му се приметуваат.

Претседателот на КФМ се приклучи во хуманитарната акција за помош на погодените од земјотресот во Турција. Дресот со кој ја освои третата европската титула во 2017-та, вкупно трета во кариерата, го става на продажба, а парите ќе одат во донации.

Годината е 1992-ра, Мајкл тука има 29 години, Скоти 27. Играат во врвна форма и ја напаѓаат втората титула со Булси од вкупно шест. Не е доволно да се погледне клипов само еднаш.

Олимпик Марсеј - ПСЖ минатото коло заврши 0:3. Мбапе даде два гола и еден му асистираше на Меси. Лесно му беше после на Килијан кој знае да се мајтапи на терен.

Со фантастична најава, како во старите добри времиња во англискиот фудбал, БиБиСи спорт го пречека мечот од ФА Купот меѓу второпласираниот во втора лига Шефилд Јунајтед и четвртопласираниот во Премиер лига Тотенхем. На култниот стадион „Брамал Лејн“ во Шефилд, градот на железото и челикот.

Со него на терен, Барса освојува повеќе бодови, постигнува повеќе голови, има повеќе удари во рамки на гол, повеќе асистенции, шанси...Сè е подобро со него, а има само 20 години.

Во американската кошарка и општо американскиот спорт големо внимание се обрнува на статистики а уште поголемо на рекорди. Откако Леброн Џејмс направи историски подвиг, го урна апсолутниот рекорд на Карим Абдул-Џабар на вечната листа најдобри поентери во НБА, сега малку фалело тоа да се случи и во НЦАА универзитетската лига која е еднакво гледана како и НБА.

Сте се запрашале ли каде е и што прави познатиот германски репрезентативец Андре Шурле? Нешто скроз неочекувано и сосема друго од сите други фудбалери откако одат во пензија.

На вечното Ел Класико меѓу Реал Мадрид и Барселона секогаш има набој и тензија, па така беше и синоќа на првиот меч од полуфиналето на Кралскиот Куп кога Барселона славеше со 0:1. Во еден момент од дербито, Чави и Карвахал се навредуваа еден со друг, за да на крај џентлменски си подадат рака и се гушнат.

До крајот на сезоната во Серија А има уште 14 кола, а Наполи му бега на Интер 18 бода, што значи дека успехот кој последен пат го славеле пред 33 години со Марадона е се поблиску на дофат. Пазете ги што направиле фанатиците.

Најтрофејниот европски стратег, Жељко Обрадовиќ кој има преполна колекција пехари, трофеи, медали, сега е тренер на неговиот Партизан од каде ја почна тренерската кариера. Во Евролига им оди добро, синоќа ја совладаа германска Алба Берлин, ама на полувреме губеа па Жељко срамотно ѝ одговори на новинарката која од Евролига е задолжена да интервјуира на полувреме.

Во Бразил скоро и да нема одиграно коло во првенство или фаза во Купот а да нема упад на интервентна единица за брзо да спречи хаос. Така синоќа за време на мечот меѓу нисколигашот Сергипе и познатиот Ботафого од Рио де Жанеиро во Купот, гостите се спасиле од срамен пораз и испаѓање и израмниле на 1-1 дури во 90+7’ минута после три спорни корнери по ред.

Минатата недела беше прекрасна за африканската земја Јужен Судан која за првпат во историјата се квалификуваше на Светско кошаркарско првенство кое се игра летово (август/септември), а историски подвиг направиле и младинците во фудбалската репрезентација на Јужен Судан кој оствариле победа на Куп на Африкански нации.