Хитот на Дејвид Бекам со победа над 2:0 против Риал Солт Лејк ја стартуваше новата сезона во МЛС. Стрелци беа Диего Гомез и Роберт Тејлор, а шоуто и без да биде стрелец го приреди се знае кој. Цела поранешна четворка на Барса беше во прв тим. Одиме со ред.

Во крајно цврст натпревар Барселона имаше повеќе од играта во Неапол и прва поведе преку Роберт Левандовски, но Наполи се избори за реми преку Нигериецот Осимен. Во Порто на „Драгао“ домаќинот во последните секунди го совлада Арсенал со чудесен гол на Галено.

Месец февруари е месец на Мајкл Џордан, икона и вечна кошаркарска инспирација. Прво затоа што во февруари е роден, поточно на 17-ти кога наполни 61 година и второ, има 14 учества на Ол стар.

Големата суперѕвезда во НБА Кевин Дурент од Феникс Санс, во интересен разговор во еден подкаст вели дека силно посакува уште едно олимписко злато со репрезентацијата на Соединети Американски Држави.

Сме имале долга низа на голчишта на сајт, снимени во разно разни балони низ светот, ама јакото е кога ќе видиш вакво нешто кај нас. Безбедносна камера во еден од скопските балони, улови мајсторија кој му припаѓа на новинарот на Тв Шења, Енис Муртези, инаку навивач на Лацио.

Имаме јако ретро од Лига на шампиони, малку подзаборавено од сезоната 2000/2001. Дуел на Олимпико во Рим меѓу Лацио, актуелен шампион на Италија и Реал Мадрид, актуелен првак на Европа. 2:2 заврши оваа средба, а еден од стрелците беше култниот мангуп Хернан Креспо. Пргав и многу снаодлив во шеснаесетник, кој и во една ваква ситуација знаеше да ја боцне во гол.

После големата бура која што ја донесоа три очајни резултати по ред: пораз 3:0 од директниот конкурент за титулата Баер Леверкузен кој им одржа фудбалска лекција, пораз од Лацио (1:0) во првиот меч од 1/8 финале на Лига на шампиони и пораз 3:2 од слабиот Бохум, Баерн Минхен донел одлука.

Еден емотивен апел на 84-годишниот пресимпатичен дедо Кармине, голем навивач на италијанскиот третолигаш Таранто ја натажил цела фудбалска Италија. Градоначалникот и општината Таранто планирале истоимениот клуб од југот на Италија, од реонот Пуља, додека го реновираат стадионот, да го пратат да игра во 452 километри оддалечениот Терамо.

Ако Свен Горан Ериксон е пример за ладен ко шрицер на клупа, Диего Симеоне ти е скроз спротивна приказна и тој не ни седи. Еден од најживчаните тренери во светот, кој 90 минути цупка, шета лево десно и постојано мавта со рацете. Циркузи е на моменти.

На дуел од најдобрата колумбиска лига Категорија Примера А меѓу Енвигадо и Америка де Кали гостите воделе од 25-та минута па до последни секунди кога домаќините од пенал израмниле 1-1 во 90+3’ минута. Ај што израмниле туку и пола екипа решила да задржува време мислиш играат за трофеј во Копа Либертадорес.

Норвежанецот Јакоб Глеснес кој игра во МЛС за Филаделфија Унион си ја закопа од пола терен, како никој друг од толку далеку. Кутар голман не смееше со раце да ја фати.

Не е лесно да се постигне гол во нокаут фаза од ЛШ, особено не против дефанзивна екипа како Атлетико Мадрид која синоќа немаше ниту еден удар во рамки на гол. Интер се трудеше, притискаше, промашуваше и во 79-та минута се случи експлозија на Џузепе Меаца, која одлично се доловува со овој клип снимен зад гол и во близина на играчите. Пуштете ги звучките појако за да го почувствувате од близу делириумот.

Не можеше појако да ја смисли и да ја изведе. Мрежата им ја искина.

Лидерот во Серија А беше доминаннтен на речиси цел меч против Атлетико Мадрид кој во Милано прикажа дефанзивна игра со 0 удари во рамки на гол. Но момците на Инѕаги се изнамачија и се изнапромашија додека да стигнат до погодок, кој падна дури во 79-та минута, дело на џокерот Марко Арнаутовиќ. ПСВ и Борусија Дортмунд одиграа без победник. И двете осминафинални дуели од ЛШ ќе се решаваат на реваншите.

Разочараност, лутина и огорченост од бескрајно досадниот Ол-Стар натпревар на сите ѕвезди чувствуаат сите, од гледачите, медиумите, првите луѓе на клубовите па дури и самиот комесар на НБА лигата.

Западна Германија стана првата селекција која во тие времиња одигра три последователни финалиња, подвиг што го повтори потоа Бразил. Имаа страшен состав, а како клучен играч се покажа левиот бек на Интер кој постигна три гола плус уште еден во пенал серија, од кои еден во финале вреден светска титула.

Најубавата приказна овојпат ни доаѓа од Нотингем Форест, славниот англиски клуб (две титули во Куп на европски шампиони, една во Англија, една во европски Супер Куп, два ФА Купа и четири Лига Купа) кој после долги години во пониските лиги конечно се врати во Премиер. 92-годишната Вера Хил речиси целиот свој живот е со својот Нотингем. Таа пред 15-ина години откако ѝ ослабнал видот решила да ја врати својата сезонска карта на клубот со цел да отстапи место на помладите. Клубот не ја заборавил, ја поканил на премиерлигашки меч а во нејзина чест целиот стадион ја испеал химната на Форест.

Ударна вест во фудбалскиот свет минатиов викенд беше дека Килијан Мбапе веќе го известил ПСЖ дека по крајот на сезонава и дефинитивно заминува, а беспрекорниот „свиркач“ Фабрицио Романо на Х објави дека Килијан веќе ги договара и условите со Реал Мадрид. Дали таму ќе ја продолжи својата чудесна голгетерска форма како што играше неговиот идол Роналдо останува да се види. Едно е сигурно: ќе ги прославува головите на негов начин како и досега.

Без разлика што ја освои како играч на ПСЖ и Аргентина и што го продадоа на глупав начин во 2021-ва, последната Златна топка, Лео решил да ја донира во музејот на Барселона.

Реал Мадрид убедливо ја совлада Барселона 96:85 во финалето на Кралскиот Куп на Шпанија во Малага и додаде уште еден трофеј во богатиот музеј. Играч на мечот беше Факундо Кампацо кој постигна 18 поени и шест асистенции а имаше и неколку маестрални потези.

Во втората германска лига просекот на посетеност сезонава е 29.000 навивачи по натпревар или подетално од викендов: Шалке – Висбаден (60.542 гледачи), Херта – Магдебург (52.652), Нирнберг – Кајзерслаутерн (35.462), Хановер – Фурт (31.500).  Некоја друга земја со вакви второлигашки бројки?

Валтер Мацари очекувано доби отказ од претседателот на Наполи Аурелио Де Лаурентис поради катастрофалните резултати на екипата под негово водство. На клупата на шампионот на Италија седнува селекторот на Словачка, Италијанецот Франческо Калцона. Помошник ќе му биде легендата на Наполи Словакот Марек Хамшик.

Германските навивачки групи стриктно се противат на намерата на германската фудбалска федерација (DFL) да продаде осум одсто од тв правата на странски фондови. Германските стадиони се полни, држат рекорди во посетеност во последните неколку години и навивачите не сакаат никаков бизнис план на сметка на клубовите и гледачите.

Мајкл на 17-ти февруари го прослави својот 61-ти роденден. Прилично повлечен од прегласната јавност, настрана ужива во животот. Најголемиот на сите времиња.