Ѓоковиќ и Мекинро vs Агаси и Алкарас

Како увертира на УС опен (26 август - 8 септември), во Њујорк се одигра егзибициски меч со многу забава и со четворица ликови кои тежат 43 гренд слем титули.

Новак Ѓоковиќ играше во пар со Џон Мекинро, а другата двојка ја сочинуваа Карлос Алкараз и Андре Агаси.

Српско-американскиот тандем беше подобар од шпанско-американскиот со 10:8. Но ова е натпревар во кој резултат е целосно небитен.

Играчите се во опуштено издание, озвучени се и задача им е да ја забавуваат публиката.

Агаси во еден момент го праша Ѓоковиќ: „Како тоа никогаш не промашуваш?“

Ноле даде одговор, кој може да биде загрижувачки за играчите кои имаат високи цели во ова издание на УС опен: „Се чувствувам подобро отколку кога го освоив олимпиското злато“

Голем впечаток остави коментарот на легендарниот Џон Мекинро, кој инаку четири пати го има освоено отвореното првенство во Њујорк и три пати Вимблдон.

„Она што го направи за нашиот спорт и она што го постигна во последните неколку месеци, особено на Олимпијадата. Ти благодарам што си дел од овој спорт“. 

22 август 2024 - 10:44

Штета ако сте пропуштиле

Дијагнозата наречена „тричко“

Оправдание до директорот

Да се пазиме од полицајците на нашите мисли

Никна семето кое го посеа нивниот „корисен“ идиот