„Слемот на шесте кралеви“ кој се игра за прв пат, а домаќин е Саудиска Арабија, стаса до финале откако младоста го победи искуството или поточно ветераните.

Карлос Алкараз и Јаник Синер ги елиминираа Холгер Руне и Данил Медведев во четврфиналињата на егзибицискиот турнир „Слемот на шесте кралеви“. Полуфиналните двојки се Синер - Ѓоковиќ, Алкараз - Надал. Домаќите ги пречекаа шестмината тениски асови со по 1,5 милиони долари само за учеството, а победникот во Ријад, Саудиска Арабија ќе си замине дома со мега премија од 6 милиони долари. За споредба, на УС опен како најбогат Гренд слем, шампионот заработува 3,6 милиони. Уживајте во филмското ремек дело Six Kings Slam направено во стилот на Game of Thrones.

Синер и Алкараз со почеток од 11:00 часот го стартуваа финалето на АТП 500 турнирот во Пекинг. Шпанецот веќе се измори пред дуелот од потпишување автограми. 

Како увертира на УС опен (26 август - 8 септември), во Њујорк се одигра егзибициски меч со многу забава и со четворица ликови кои тежат 43 гренд слем титули.

За 1 час и 37 минути игра, Јаник Синер го победи Франсес Тиафо со 2-0 (7-4 и 6-2) и го освои мастерс турнирот во Синсинати. Турнирот помина некако незабележително. Има и зошто. Не учествуваа најдобрите. Погледнете ја оваа нивна лавовска битка во финишот од последниот сет минатата година во финале.

Во реприза на минатогодишното финале, но со многу помала неизвесност и во пократок меч, Карлос Алкасаз го совлада Новак Ѓоковиќ и стигна до четвртата Гренд слем титула во кариерата.

Карлос Алкараз го збриша Александар Зверев со 3:0 (6:3, 6:2, 6:4) и закажа полуфинале на УС Опен против Медведев. Шпанецот е во топ форма, ќе се уверите и од видеата. Почнуваме со страшниот форхенд, а потоа и сите останати поени задолжителни за гледање.

Тој што синоќа одлучил да си легне и да не останува до ниедно време за мега дуелот меѓу Ѓоковиќ и Алкараз, нека се посвети на клипов. На 34-35 степени (филс лајк 37), играа атомски тенис до исцрпување за секој поен. Младост и полетност против дрскост и искуство. На 36 години Новак му одигра на Карлос (20) како машина, до крај. Неверојатна борба.

Во меч кој траеше околу 3 часа, шпанската атракција го елиминираше Австралиецот Џордан Томпсон со 7:5, 4:6, 6:3 и обезбеди осминафинале на мастерсот во Синсинати. Потребно е знаење и многу осет за ваков поен во тенисот.

Карлос Алкараз го збриша Данил Медведев во финалето на Мастерсот во Индијан Велс за само 72 минути игра со резултат 6-3, 6-2 и сега е прв на АТП. Ако треба да се издвои атракцијата број 1 од неговите убедливи перформанси, тогаш тоа дефинитивно е поенот од полуфиналето против Јаник Синер.

Шпанскиот тенисер кој е прв носител на АТП 500 турнирот во Рио Де Жаниеро го водеше Бразилецот Матеус Алвес со 6-4, 5-3 и беше на само еден гем до победа, но силниот дожд не дозволи да го доиграат мечот. 19 годишниот Алкараз ги прибра децата кои собираат топчиња со него под стреа, а истото го направи и лани, на истиот турнир.

Сè чини дека доаѓа нова ера во тенисот со шпанската фурија Карлос Алкараз. Цунами кое ги збриша сите противници на УС опен, го освои првиот Гренд слем во кариерата на само 19 години и стана најмлад во историјата на врвот на АТП. Според ова што го прикажува, детево најавува сериозна кариера. Погледнете ја оваа брзина и енергија. Нема што не стигна.

По одличните настапи годинава во која го освои Мајами и успеа да ги победи Надал, Ѓоковиќ и Зверев, големата тениска надеж, на само 19 години стигна до првиот Гренд слем и се искачи на првото место на АТП.

Во маратонска и исцрпувачка битка, Карлос Алкараз го совлада Јаник Синер во четвртфиналето на УС опен. Се одигра најдолгиот меч во историјата на отвореното првенство во Њујорк, долг 5 часа и 15 минути со луди пресврти.

Младата тениска надеж кој на 19 години ги победи Надал, Ѓоковиќ и Зверев и го освои Мадрид, почна да ја освојува публиката и на најпрестижниот тениски турнир во светот. Алкараз се изнамачи во првото коло против Јан-Ленард Струф, кој го доби со пресврт од 1:2, на 3:2, а во еден момент ја крена на нозе лондонската публика.

Третото коло на УС Опен ја донесе една од најјаките тениски битки годинава која заврши со огромно изненадување. 18 годишниот Карлос Алкараз кој е 54-ти на АТП, го елиминираше големиот фаворит Стефанос Циципас, инаку трет во свет во моментов.

Шпанската јавност е одушевена од подвигот на 16-годишниот Карлос Алкараз кој на своето АТП деби, во Рио де Жаниеро го совлада 41-от тенисер на ранг листата, Рамос-Винољас. Ова ги натера љубителите на тенисот да се навратат на далечната 2003-та година и 16-годишниот Рафа Надал кој дебитираше во Монте Карло и го совлада Словакот Карол Кучера во првата рунда.