Колку пати ви се случило да видите ваква дискрапанца, некој дебел фудбалер да има врвен осет за фудбал? Примете го додавањето на самиот почеток на старт на видеото.

Аталанта и Арсенал одиграа меч со многу шанси но без голови. Најголема прилика имаа домашните фудбалери во 50’ минута кога добија пенал. Центарфорот Ретеги изведе а шпанскиот голман од Арсенал Давид Раја му ги одбрани на два пати спектакуларно и пеналот и одбиената.

Легендата на Баерн се сопна од белата трака поставена на тревата и толку од тренингот. Сите фатија да се смејат, од играчи од тренерот Компани. Томас на крај дури и рече дека ова ќе биде клип на месецот, печен за кликови.

Корентан Муте на турнир во Хангжу, Кина го победи Карбалјес Баена. Натпреварот ни донесе егзибициски, храбар и многу ризичен потег. Tотално луда завршница, невидена до сега на мрежа.

Со двата гола на Вирц, еден на Грималдо и еден автогол, германскиот првак Баер Леверкузен го потопи Феенорд и тоа уште во прво ги постави конечните 0:4. Виктор Бонифејс се истакна со нереален пас. Велемајсториште.

Бенфика го преброди тешкото гостување на стадионот „Рајко Митиќ“ во Белград и со 1-2 ја совлада Црвена звезда. Гостите од Португалија славеа со два гола на турските интернационалци, Керем Актуркоглу и Оркан Кокџу.Покрај двата погодоци Бенфика немаше други шанси, а домаќинот стигна до само еден гол за да го ублажи поразот.

Што да гледаш попрво на стадиониот „Луј 2“ во Монте Карло, Лига на шампиони, Монако - Барса или иконата на кошарката, Мајкл Џордан? Погледнете ја оваа неповторлива фаца која зрачи со енергија и 6 прстени со Чикаго поради кои останувавме без спиење. Фрчеа телефони, слики, селфија, автограми.

Не бе, не нè бива. И на пријателска очи ќе си извадиме. Ама тоа е кога постојат идиоти од навивачи кои ја уништија пријателската меѓу ТФТ и Чаир 2030 и испратија лоша порака до младината за тоа како НЕ  треба да се води навивачка трибина. Тренерите и на двете екипи се обидувале да ја смират тензијата, ама џабе. Нападнат е капитенот на ТФТ, Едис Нури и тоа дрско со боксови од страна на неколку бараби.

Фудбалерите на Атлетико Мадрид со 2-1 го совладаа РБ Лајпциг со гол во последните моменти од мечот на стоперот Хозе Марија Хименез. Елиф Елмас доби прилика во самиот финиш и одигра десетина минути. Барселона цели 80 минути играше со играч помалку и изгуби 2-1 од Монако.

Гиорги Цковребадзе (Giorgi Tskhovrebadze) не дека е ракометен џин, има 194 см, туку фората е во неговиот мега одраз со кој главите на противниците му доаѓаат до пупак. Игра за Гумерзбах од Германија, а член е на селекцијата на Грузија. Има 23 години и е десен бек со кој тешко се излегува на крај.

Прво правиш здраво живо со Ван Нистелрој, па со Ерик Тен Хаг кој на лице место ти го потпишува дресот, а ако имаш среќа ќе фрлиш и два грама муабет со некој од играчите. Позицијата е ептен ексклузивна, ко на клупа за резерви да си. Па уште и победа од 7:0 гледаш, во Лига Куп против Барнли, кој се одигра во вторникот.

Во ноември треба да наполни 49 години, а баскет игра со подеднаков шмек како некогаш. На времето беше голема ѕвеза на Сакраменто Кингс, играше уште и за Мемфис Гризлис, Мајами Хит и Орландо Меџик. Во 2006-та стана НБА шампион со Мајами на Двејн Вејд. „Сопрете ја таа бела чоколада“ беше фразата која го следеше цела кариера. Страшен техничар!

Иако има 36 години, Франческо Ачерби успеа да го сопре 12 години помладиот и моќен Ерлинг Халанд. Се помајтапија на крај. Халанд: „Знам дека ми го сакаш дресот, постојано ми го тегнеше во игра“. Ачерби: „Два сакам“. Халанд: „Два? Абе оди еби се“.

Германските клупски навивачи се број 1 во Европа по многу параметри. Најмногу по бројноста на гостувања каде одат и по десетина илјади. Во вторникот во Мадрид на меч со Реал дошле околу 10.000 навивачи на Штутгарт. Сите во црвено, стокмени, скоцкани под конец.

Вечерва од 18:45 на стадионот „Рајко Митиќ“ во Белград ќе се одигра дуелот меѓу Црвена звезда и Бенфика во рамки од 1. коло на Лига на шампиони. Овие два ривали последен пат се сретнале во 1/16-финале на некогашниот Куп на европски шампиони и одиграле луд натпревар.

Италија 1990 важи за култно светско. Бразил ги имаше Ромарио, Дунга и Бебето, Колумбија Рене Игита и Валдерама, Аргентина ја предводеше Марадона, силната Германија стана првак со легенди како Матеус, Бреме, Клинсман, а ние ги имавме Панчев и Станојковиќ кои со Југославија загубија од Аргентина во четвртфинале на пенали. Но шоуто го украде Тото Скилачи, кој стана прв стрелец со 6 гола и беше прогласен за најдобар играч.

Паралелно со ЛШ, и синоќа имаше англиски Лига Куп. Тотенхем го доби Ковентри на гости со 1:2, а при резултат 0:0, сè и сешто се случи пред голот на гостите.

Не им е лош изборот на играчите и головите, нели?

Алексеј Миранчук, кој го паметиме од Аталанта, од пред неполни два месеци е член на Атланта каде потпиша за 13 милиони долари. Деби голот во МЛС против Меси и Суарез за конечни 2:2, создаде спектакл на трибините.

Младоженецот решил да настапат како прави шампиони со невестата, со препознатливата химна од фудбалска Лига на шампиони.

Интер успеа да го сочува голот на „Етихад“ и со 0-0 и освоен бод заминува од Манчестер. Илкај Гундоган, повратникот од Барселона ги имаше најзрелите шанси за домашниот тим и тоа буквално во финишот од мечот.

Селтик со 5-1 го растури Слован Братислава во 1. коло од новата сезона во Лига на шампиони. Пред мечот навивачите на шкотскиот тим со громогласна бука ја испратија химната на ЛШ, а гостинскиот фудбалер кој некогаш играше за Вардар, Тигран Барсегјан уживаше во моментот со соиграчите кои првпат настапуваат во Лига на шампиони.

Сензацијата во шпанскиот фудбал минатата сезона, имаше 90 минути изненадувачко реми на гостувањето во Париз, но радоста им ја расипа голманот Газанига кој прими смешен гол кој му е препишан како автогол. Бојан Миовски не доби шанса за деби во ЛШ.

После бомбастичниот старт со голеада и тоа од вкупно 28 комада, втората ноќ од првото коло во Лига на шампиони заврши разочарувачки со вкупно 13 погодоци. Два меча завршија 0:0, меѓу кои дербито Сити - Интер, Селтик пукна петарда, Борусија беше убедлива на гости, а Бојан Миовски го преседе првиот меч од ЛШ на клупа.