Лионел Меси пред неколку дена стигнал во родниот Розарио, во Аргентина каде ќе ги помине Новогодишните и Божиќни празници како и секоја година. Лео многу ретко ги користи социјалните мрежи на кои сега сподели еден интересен детал.

Во натпревар од групната фаза во одбојкарската Лига на шампиони, Перуџа го совлада француски Сен Назар со 3-0 во сетови. Натпреварот ќе се памети по екцесот кој случајно го направи францускиот одбојкар Анри Леон кој го урна судијата Пол Каталин Шабо-Алекси од неговата судиска кула.

Само два дена по промените на раководството во ФФМ, довчерашниот капитен на Македонија Стефан Ристовски, објави фотографија на Инстаграм на која е во репрезентативен дрес заедно со Адеми. Значи ли ова кам бек и нормализирање на односите со селекторот Милевски, со помош на новиот директор на националните селекции, Горан Пандев, со кој се блиски.

Шпанскиот клуб Бетис пред католичкиот Божиќ одигра 1:1 против Ваљадолид, но навивачите беа во празнично расположение и го направија пред натпреварот традиционалниот играчкопад, односно подарија од трибините илјадници плишани мечиња за децата од најранливите социјални категории.

Холандскиот гигант отсекогаш вадел сјајни бисери од својата школа, која важи за една од најдобрите на светот. Еден таков сега е 11-годишниот Зинедин Чајат кој жонглираше 2.424 пати за време на паузата на натпревар на Ајакс. „Можев уште, ама ме прекинаа поради натпреварот“, рекол малиот Зинедин кој ги воодушевил присутните.

Претседателот на Синдикатот на фудбалери, Панчев Ќумбев, а воедно и поранешен репрезентативец на Македонија, даде краток и јасен коментар околу смената на раководството во ФФМ. За промени, смета дека е потребна чистка и рестарт.

Триесет и две годишниот Бразилец во последните 2-3 години повеќе е надвор од теренот во закрепнување од повреди отколку што е на терен. Член е на саудискиот клуб Ал-Хилал, важи за еден од најскапо платените фудбалери во историјата, но по сè изгледа дека веќе не му е до фудбал. А го играше стварно со неверојатна леснотија.

Атлетико Мадрид штуцаше на почеток на сезоната но во финишот на првата полусезона, есента и зимава игра маестрален фудбал и со 12 победи, 5 нерешени и само 1 пораз се први на табела во Шпанија. Добро им оди и во Лига на шампиони, а во меѓувреме овозможија на нивниот ултра модерен стадион „Ријад Ер Метрополитано“ да се направи и лизгалиште.

Еден ден по вонредното изборно генерално Собрание, новиот претседател на ФФМ, Масар Омерагиќ го одработи првиот ден во куќата на фудбалот. Се запозна со вработените во федерацијата, ги повика на брифинг новинарите, а имаше и прва средба со селекторот Боби Милевски, кој за три месеци ги стартува мундијалските квалификации.

Новинарите во САД пред секој новогодишен период речиси секоја година го прашуваат Никола Јокиќ што мисли за тоа што „тој и соиграчите играат натпревари неколку Божиќи по ред и што мисли за играњето на Божиќ?“.

Второлигашот Јуве Стабија е четврти во Серија Б и има сериозни намери да се вмеша во борбата за место кое води во Серија А. Интересно, за овој клуб игра долгоозборуваниот млад фудбалер Романо Мусолини, играч на Лацио позајмен во Јуве Стабија. Негов прадедо е познатиот италијански историски лидер, контроверзниот Бенито Мусолини. Сега дал гол за победа, а тифозите додека спикерот го најавувал неговото презиме, салутирале со римски поздрав.

Натпреварот меѓу Филаделфија и Сан Антонио Спарс кој Севентисиксерс го добија 111:106 го одбележи груб инцидент кој го предизвика 30-годишниот Жоел Ембид. При еден напад на Филаделфија, Ембид направи фаул, судијката му досуди прекршок а тој влезе во жестока расправија по што соиграчите го смирија да не ја нападне и физички судијката. Го исклучија од мечот а тоа му е второ исклучување сезонава.

Црвена Ѕвезда го доби Партизан 89:84 во натпревар од АБА лигата, а потегот на мечот, а можеби и на сезоната е НБА забивањето на Американецот Тајрик Џонс. Безмилосно му одигра на својот чувар еден на еден, во стилот на Шон Кемп.

Еден од најдобрите фудбалери на сите времиња, Португалецот Кристијано Роналдо решил со децата да отпатува до Финска, во местото Рованиеми за каде се смета дека е седиштето на Дедо Мраз. Од аеродром ги донеле директно до местото а таму возеле и на санки со кучиња и го посетиле Дедо Мраз.

Црвена Ѕвезда го доби градското дерби против Партизан во АБА лигата, а по натпреварот можеа да се чујат навреди кон претседателот Александар Вучиќ, што е нетипично за овие навивачи ако се знае дека тој е ѕвездаш. Спортклуб пишува дека ова е одраз на незадоволство околу ситуацијата во земјата, каде инаку деновиве се одржуваат масовни протести од страна на студентите, откако на железничката станица во Нови Сад загинаа 15 луѓе.

Реал Мадрид со 4-2 ја совлада Севиља и ја прескокна Барселона на табелата, па сега Атлетико е прв со 41 бод, Реал Мадрид втор со 40 бода а Барселона трета со 38 бода со тоа што мадридските гиганти имаат и меч помалку во Ла Лига. На дербито со Севиља Арда Ѓулер влезе во 71' минута од клупата за резерви каде претходно истури вода врз столчето на Карло Анчелоти.

Интер го совлада Комо со 2:0 во заостанат натпревар и сега е на -3 од лидерот на Аталанта, но со натпревар помалку. Ќе го издвоиме голчиштето на Маркус Турам кој го реши и чуварот и голманот со убиствен финиш. Прв стрелец е во Серија А со 12 гола, исто колку што има и Ретеги од Аталанта.

Оснабрик е на претпоследно место во трета германска лига, 19-ти се од 20 клуба. Имаат само 15 бода и сериозно тонат накај четврта лига. Но навивачите го бодрат тимот кај и да игра. Сега последно Оснабрик играл во неделата против Ферл (1:1) на гости, а навивачите го прекинале накратко натпреварот со фрлање лампиони и новогодишна елка во знак на протест што цел декемви Оснабрик игра само во недела, ден за одмор.

Натпревар од фудбалската лига на Костарика бил прекинат поради тоа што гостинската екипа Алахуеленса била незадоволна од висината на стативите и пречката. Судија со метро и асистенција од помошниците измерил и се потврдило дека голот е повисок од вообичаеното. Но после прекинот домаќините славеле 2:0 па гостите залудно се жалеле.

Со повредата на Мамардашвили, Столе Димитриевски брани во Ла Лига на три меча по ред за очајната Валенсија, која се наоѓа на претпоследна позиција. Загуби 1:0 од Ваљадолид, па нерешено прво со Еспањол, па викендов против Алавес. Бележиме две одлични интервенции од последните два дуела.

Украинскиот боксер Александар Усик одново, по втор пат го совлада Британецот Тајсон Фјури и ја одбрани светската шампионска титула во тешка категорија. Усик победи по судиски поени а при прогласување на победникот носеше маица со грчки натпис: „Православие или смрт“ и на градите имаше голем ланец со православен крст, појави не баш често видени во Саудиска Арабија.

Никола Јокиќ стигна до нов трипл-дабл во својата НБА кареира, 11-ти сезонава и 141. во кариерата. Србинот постигна 27 поени со 13 скока и 10 асистенции. Денвер Нагетс губеше убедливо сè до крајот од третиот период кога Јокиќ и Мареј потсетија на шампионските денови, режираа пресврт и после продолженија на Денвер му го донесоа 15. триумф сезонава, овојпат 132:129 против Њу Орлеанс Пеликанс.

Александар Усик одново доминантно го избоксира Тајсон Фјури во Ријад, Саудиска Арабија и забележа уверена победа и на реваншот ја одбрани светската шампионска титула во тешка категорија. Британецот изгледаше невообичаено лошо.

Португалскиот тренер Рубен Аморим кој правеше чуда со Спортинг Лисабон, му донесе шампионски титули, трофеи и пехари после долги години, го направи редовен учесник во Лига на шампиони, сега не може да се снајде во хаосот во Манчестер Јунајтед. Изгубија дома 0:3 од Борнмут, а таванот прокиснуваше за време на прес-конференцијата на Аморим.