Говорот на Стив Кер кој ги изнасмеа сите на парадата на Чикаго

НБА финалето 1997-ма е едно од оние, поради кои се седеше навечер до ниедно време. Неповторлигата банда на Фил Џексон ја совлада Јута Џез на Мелоун и Стоктон со 4:2, а шестиот натпревар го реши Стив Кер. Допи топка на крајот од Џордан кој беше удвоен, а на тајм аут му рече дека ако треба ќе биде спремен за финален шут. Но, Кер на прославата отиде со друга, позабавна верзија. Ќе го ослободувал Џордан од одговорност, кој инаку мечот го заврши со 39 поени и 11 скока. Цар.

„Кога свикавме тајмаут на 25 секунди до крај, Фил Џексон му рече на Мајкл Џордан: `Мајкл, сакам ти да го имаш последниот шут`. Мајкл му рече на Фил: `Знаеш, Фил, не се чувствувам баш пријатно во такви ситуации, па можеби треба да пробаме нешто друго. Зошто да не одиме преку Стив`. И тогаш си реков: `Изгледа пак ќе треба да го спасам Мајкл од одговорност`. Шутот влезе и тоа е мојата сторија зад која стојам“.