„Немаше слабости. Пробуваш да го натераш да оди лево. Пробуваш да го натераш да оди десно. Пробуваш да го држиш. Пробуваш на сила. Тој беше Шек меѓу бековите. Едноставно беше многу јак. Не можеш никогаш да го блокираш. Како портокал ја држеше топката и ти ја мафта пред лице со јазикот исплазен. Немаше ниту една слабост. Ниту една. Нула. Плус пиеше, пушеше и играше карти до 4-5 сабајле. Понекогаш играше голф во ист ден кога имаше натпревар“.

НБА финалето 1997-ма е едно од оние, поради кои се седеше навечер до ниедно време. Неповторлигата банда на Фил Џексон ја совлада Јута Џез на Мелоун и Стоктон со 4:2, а шестиот натпревар го реши Стив Кер. Допи топка на крајот од Џордан кој беше удвоен, а на тајм аут му рече дека ако треба ќе биде спремен за финален шут. Но, Кер на прославата отиде со друга, позабавна верзија. Ќе го ослободувал Џордан од одговорност, кој инаку мечот го заврши со 39 поени и 11 скока. Цар.

Кошаркарите на Чикаго Булс и Лос Анџелес Клиперс скокаат за топка. Снимката е од 1987-ма. Летечкиот има 24 години. Толку е клипот.

На 17 февруари, 1963-та, значи доцниме еден ден, роден е најголемиот на сите времиња. Иконата која имаше невиден импакт врз кошаркарската култура. Не дека не го спомнавме вчера, напротив, го имавме во статијата за Ол Старот 1993. Но сега нешто кратко само од него, а тоа е кам бекот во Вашингтон кој е во сенка после она што го стори со Чикаго Булс. Годината е 2001-ва. Рака сатар и на 38 години.

„Никогаш не сум видел подобар кошаркар од Мајкл Џордан. Јас не го ставам Леброн ниту пред Коби. Разликата е во тоа што Леброн е добар дечко. Никој никогаш не го рекол тоа за Мајкл и Коби. Тие ќе те решат на терен и цело време ќе ти го кажуваат тоа. Леброн не е таков“, смета Баркли.

Кога ќе се спомете светото кошаркарско име Мајкл Џордан и game winner, се мисли на шестиот меч против Јута кога го завери шестиот прстен. Да е само тој натпревар кој го решил. Одиме со друг пример од драгоцениот историјат на најголемиот. 

Текстот кој го објавивме неодамна насловен како „Легендарни фотографии од првото соочување на Дражен Петровиќ и Мајкл Џордан“, предизвика голем интерес. Вистината е дека тој не им бил прв двобој.

Сите зборуваат за последното во 1993-та, а никој за првото во 1983-та.  Да му се позлатат рацете на фотографот.

Имаме епски разговор од НБА, снимен во очи на Ол старот 1997. Дикембе Мутомбо на Мајкл Џордан му вели дека никогаш ја нема забиено преку него и дека нема ниту да ја забие, а во разговорот им се уфрлува и Патрик Јуинг. Да видиме што се случило подоцна.

Клинците кои не го фатија неповторливиот Мајкл Џордан, за што многу жалиме, и кои мислат дека број 1 е Леброн Џејмс, како за утеха им го препорачуваме феноменалниот „The Last Dance“ на Нетфликс. Меѓу другото нека внимаат и на ваквите факти: Џордан со 5 сезони помалку од Леброн, има 2 шампионски прстени повеќе, 2 МВП повеќе награди во финале, едно МВП призниние повеќе во регуларниот дел од сезоната. И така.

Што да гледаш попрво на стадиониот „Луј 2“ во Монте Карло, Лига на шампиони, Монако - Барса или иконата на кошарката, Мајкл Џордан? Погледнете ја оваа неповторлива фаца која зрачи со енергија и 6 прстени со Чикаго поради кои останувавме без спиење. Фрчеа телефони, слики, селфија, автограми.

Ненадминливото интро на Чикаго Булс, од кое ни проаѓаат морници и по 30 години, ечеше во еден француски ресторан на Миконос со помош на саксофон. Повод е гостинот кој се вика Мајкл Џордан. Немаме инфо колку бакшиш оставил. Атмосферата е прекрасна.

Месец февруари е месец на Мајкл Џордан, икона и вечна кошаркарска инспирација. Прво затоа што во февруари е роден, поточно на 17-ти кога наполни 61 година и второ, има 14 учества на Ол стар.

Прашање поставено до Чарлс Баркли кој од прва го дава и образложува одговорот во кратки црти.

Спортскиот пијалок Гејторејд во 2002-ра има направено уникатна реклама со Мајкл Џордан на 39 години кој се пробува против Мајкл Џордан на 23 години. Експлозивност наспроти искуство. Атракција против атракција.

Снимката со кошаркарските ѕверки е од Ол Стар викенд 1996. Се зезаат, ама сите објективи се вперени кон нив. Шек демонстрира на дело што значи кога си помлад, послаб и поподвижен.

Мајкл Џордан 2022-ра ја завршил со заработка од 256 милиони долари од Најк. Тоа се должи на неговиот доживотен договор со компанијата на која со својот неповторлив и никогаш незастарен бренд само лани и донел 5,1 милијарди долари, 31% повеќе од претходната година. Да ја видиме и споредбата, како почна и до каде стигна тој феномен.

Годината е 1992-ра, Мајкл тука има 29 години, Скоти 27. Играат во врвна форма и ја напаѓаат втората титула со Булси од вкупно шест. Не е доволно да се погледне клипов само еднаш.

На 25 септември 2001, Ем Џеј го најави вториот кам бек во НБА. Овој пат во Вашингтон Визардс и со намера да ја донира платата за помош на семејствата на жртвите од нападите на 11 септември. И покрај проблемите со повреди, беше стартер на 53 од вкупно 60 натпревари и беше најдобар во својот тим со просек од 24,3 поени, 5,4 асистенции и 6 скока. Визардс ја завршија сезоната со рекордни 37 победи, а Џордан и на 38 години беше меѓу кандидатите за МВП.

Најголемата кошаркарска икона на сите времиња, денеска дувна 60 комада. Како ли да се одбере клип за објава по повод неговиот роденден? Ако запнеме, 60 јаки ќе најдеме. Минимум.

Ја одбележа не само ерата во која играше, туку и иднината на спортот. Ја направи НБА глобална. И ден денес со „The Last Dance“, повеќе се зборува за него, отколку за денешните ѕвезди.

Тоа што легендата е во пензија едно 20 години, не менува ама баш ништо во касата на Најк, што значи по дифолт има многу пари и за Џордан. Односно сè повеќе и кај двете страни.

Двајца навивачи на Шарлот Хорнетс го чекале Ламело Бол, но наместо него, од гаража им се појавува Ем Џеј, кој е инаку газда на клубот. Му бараат фотка, ама ги одбива, а некои медиуми пишуваат дека за тоа што го снимаат со телефон им рекол: „Спушти го тоа срање доле“.