Астон Вила синоќа иако славеше 1-3 против Клуб Бриж на гости во Белгија во првиот меч од 1/8 финале на Лига на шампиони, резултатот не ги отслика баш настаните на теренот. Белгискиот првак имаше многу шанси за гол и при резултат 1-1 многу лесно можеше да поведе. Да не беше стоперот на Вила и Англија, Тајрон Мингс.

Веројатно се сеќавате на ремек делото на Роналдињо на Стемфорд Бриџ, кога од не знаеше што да и прави на топката, на крај ја смести во гол. Ерик Кастиљо од Алианца Лима има нешто слично да ви покаже на мечот против Депортес Икике. Убавина од гол.

Роналдо де Лима или „Ил феномено“, општо публиката најмногу го памети од игрите во дресот на Интер и Реал Мадрид. Но кога бил помлад, дробел многу повеќе. Снимкава е од 1994-та во дресот на Крузеиро, неговиот прв клуб во кариерата. Како поминал? 44 гола на 47 средби. Погледне го што им прави, тројца не можат да му ја земат.

„Покрај сите играчи кои ги има Реал Мадрид, мислам дека Брахим Диаз нема да игра“, изјави Диего Симеоне пред мадридското дерби. 25 годишното крило му ја донесе победата на Реал Мадрид, а потоа му се изнавика на Симеоне: Зборувај сега да те видам, зборувај сега.

Невидена комична сцена се случи на мечот меѓу Атланта Хокс и Милвоки Бакс во режија на Ториан Принц. Што ли му се случи на човеков и зошто се блокираше? Едноставно не шутна на крај, а под брк се насмеа и Док Риверс.

22 сезони, 4 НБА титули, 4 пати МВП на сезоната, 4 пати МВП во финалињата, па уште и 50.000 поени и сето тоа играчки во форма на свои 40 години.

Од атрактивни голови вечерва во Лига на шампиони, за издвојување е оној на Хулијан Алварез на мадридското дерби. Но и на Карим Адејеми воопшто не е лош.

Дури 17 гола паднаа на првите четири осминафинални средби од ЛШ. Осум од нив во Ајндховен, каде Арсенал го нокаутираше ПСВ со 1:7. Гостински триумф бележи и Астон Вила против Клуб Бриж, а мадриското дерби ќе се решава на реваншот. Борусија не успеа да ја оправда фаворитската улога против Лил.

Убав старт на првите осминафинални дуели од Лига на шампиони. На сите вечерашни средби има голови на полувреме. Реал Мадрид поведе на дербито против Атлетико со голот на Родриго уште во 4 минута. Одговори Хулијан Алварез со прекрасен погодок.

Во НБА лигата не се внимава на одбрана како некогаш, па затоа гледаме многу поени и атракции на отворен кош. Една таква се очекуваше да направи Ентони Едвардс, но наиде на намерен и ризичен фаул од страна на Бредли Бил.

Во 5. рунда од ФА Купот, Борнмут на пенали го совлада Вулверхемптон во натпревар кој имаше неколку чудни епизоди. Домаќините први поведоа преку Еванилсон во 30-та минута. Гостите израмниле со прекрасен еврогол на Матеуш Куња во 60-та минута но токму истиот играч во продолженијата во 120-та минута доби директен црвен картон откако со тупаници удри противнички фудбалер. На пеналите Ватара од Борнмут шутирал во стилот на Бепе Сињори на времето.

На дуелот УАНЛ Тигрес- Гвадалахара во мексиканската женска фудбалска лига кој завршил 2-0, Лизабет Овале постигнала прекрасен гол каков што досега не е виден во машки фудбал.

Виртуоз каков што ретко се гледа. Со топката знаеше да се потпише.

Три титули по ред во Премиер лига, ФА Куп, Лига на шампиони, Супер Куп на УЕФА, Светско клупско првенство, плус 300.000 фунти неделна плата. На Џек Грилиш изгледа му збогтиса од фудбал на само 29 години. Се клати со пиво по улици, а инаку не можеше да се отрезни на последните неколку прослави на Манчестер Сити.

Меѓународниот одбор на фудбалски сојузи (IFAB) кој има надлежност за правилата во фудбалот, донесе ново правило кое би можело и тоа како да ја смени динамиката во оваа игра.

Легендарниот голман на Челси во кратки црти опишува од каков калибар бил Руни и што сè правел на терен, кога ќе дојде редот да играат против Манчестер Јунајтед. Најкратко кажано, не те остава на дишеш.

Лидерот на Далас Маверикс по заминувањето на Лука Дончиќ, Кајри Ирвинг го повреди левото колено во ноќта меѓу понеделникот и вторникот на мечот против Сакраменто Кингс кој Далас го загуби 122:98. Кајри Ирвинг беше фаулиран од ДеМар ДеРозан и при падот нагази незгодно врз ногата на Јонас Валанчунас па го повреди левото колено. Ирвинг излезе до соблекувалната ама се врати да ги изведе слободните фрлања.

Стрелец е Гери Крозби од Нотингем Форест, а брани Енди Дибл од Манчестер Сити. Фудбалот не памети ваква снаодливост на друг играч и покренува дебати. Но сепак е признат, бидејќи тој нема никаков контакт со голманот.

Репрезентативецот на Канада кој блескаше на минатото Светско првенство, Шеј Гилџес-Александер уште еднаш покажа дека е во страшна форма сезонава. Во победата на неговата Оклахома Сити Тандер над Хјустон 137:128 постигна 51 поен со 5 скока и 7 асистенции.

Интересен клип излезе од мечот Милан - Лацио 1:2, конкретно од Лука Јовиќ. Српскиот напаѓач влезе во игра во 83 минута и одработи во одбрана за сите пари.

Без разлика на конкуренцијата, прва, втора или трета лига, не можеш да промашиш вакво нешто. Едноставно ја имаш, во трк си, додавањето е одлично, ногата ти е адекватно поставена, а ти ја дуваш кај пченките. Се работи за второлигашки меч во Полска.

Триглав Осигурување со задоволство ги поддржа атлетите на Специјалната олимпијада, кои ќе учествуваат на претстојните Зимски олимписки игри во Торино, Италија, со донација на неопходна спортска опрема и осигурување. Оваа соработка ја потврдува нашата континуирана посветеност на промовирањето на инклузијата, како и поддршката на здравиот начин на живот и на спортот, како трансформирачка алатка за создавање силни, упорни и мотивирани личности.

Јувентус ја совлада Верона 2-0 во последниот меч од колото во Серија А но бјанконерите имаа и многу среќа. Во првиот дел Словакот Томаш Сушлов постигна прекрасен гол од далечина и гостинските навивачи славеа на големо. Но набрзо главниот судија го поништи погодокот поради претходен офсајд во акцијата.

На 3 март 1965 е роден Драган Стојковиќ Пикси, една од најголемите фудбалски легенди на овие простори. Не ја фати европската титула со Црвена Ѕвезда, бидејќи во 1990-та замина во Олимпик Марсеј, но остави голем белег на Маракана. Белградскиот тим денеска потсети на еден негов корнер, изведен на 81-то дерби против Партизан.