Дино Раѓа, Зоран Савиќ, Душко Ивановиќ, Тони Кукоч, Велимир Перасовиќ, Зоран Сретеновиќ, Петар Наумоски, Горан Собин, Арамис Наглиќ, Лука Павиќевиќ. За помладите: Тоа е бандата наречена Југопластика или сегашен КК Сплит. Екипа страв и трепет која три години не го даде тронот на Европа (1989-1991). Во финале го згазија Макаби Тел Авив, па два пати Барселона. МВП еднаш Дино Раѓа, два пати Кукоч. Млади и двајцата. Време на страшни југословенски баскетџии, кои беа терор под кошевите и во кое најмладиот ги носел торбите.

Шеесетгодишен Швајцарец по име Флоријан Тирлер официјално влегол во светската Гинисова книга на рекорди како сопственик на најголем број дресови од еден единствен клуб.

Мароко има 5/5 во квалификациите за Светско првенство и е речиси пласиран на Мундијал 2026. Капитенот на Мароканците Ашраф Хакими додека се возел до базата на репрезентацијата, решил да застане на улица кога видел едни деца како играат фудбал и да им се приклучи. Не им се верувало кого гледаат до нив.

Сеута е шпански клуб од истоимениот град кој се наоѓа на брегот на северна Африка на граница со Мароко. Овој град е познат како граница меѓу Медитеранот и Атлантскиот океан а многу често тука проаѓаат мигранти од северна Африка на пат кон Европа. Фудбалскиот клуб е второлигаш а најмногу ги радува локалните мештани кога во Кралскиот Куп на Шпанија ќе падне со Реал, Барселона или некој друг гигант.

Португалците во јуни ја освоија шампионската титула во Лига Нации, а сега ги чекаат квалификации за Светско првенство и дуели со Ерменија и Унгарија на гости и со Ирска и Унгарија дома. Во меѓувреме репрезентацијата на Португалија снимила емотивно видео за нивниот трагично загинат другар и соиграч Диого Жота.

Се разгорува кошарката во финишот од групната фаза. Босанците направија сензација против Грција и им го нанесоа првиот пораз на ЕП.

Лука Дончиќ игра на високо ниво на Европското. По трип-дабл партијата против Белгија, одигра нов одличен натпревар и на мечот со Исланд, клучен за пласман во осминафинале. Ѕвездата на Лејкерси реализираше 26 поени, а имаше и 7 скока и 4 асистенции, за победа на Словенија од 87:79. По 4 кола, тој е прв на Евробаскетот во просек по број на поени, скокови, асистенции и украдени топки.

Реал Мадрид повторно беше најголем трошаџија летово во шпанскиот фудбал и води на првите три места од Топ10 листата за најскапо платени трансфери. Младиот 20-годишен стопер Дин Хујсен го платија астрономски 62,5 милиони евра од Борнмут, левиот бек Карерас од Бенфика дојде за 50 милиони евра а најголемиот аргентински талент Мастантуоно пристигна од Ривер Плејт за 45 милиони евра. Трошеше многу и Атлетико Мадрид, а Барса од познати причини не се потроши.

Пољаците го забележаа првиот пораз на ЕП од силната Франција, но знаеа уште во старт како да ја забавуваат домашната публика. Сте виделе ли некој вака да влезе на кошаркарски натпревар, уште во првата акција од мечот?

Бразилецот Антони на времето вредеше преку 100 милиони евра колку што Манчестер Јунајтед му плати на Ајакс. Дриблерот не се снајде воопшто на „Олд Трафорд“ и замина на позајмица во Бетис а таму блесна и го одведе овој клуб до финале на европска Конференциска Лига каде изгубија од Челси. Позајмицата му заврши и тој се врати тажен во Манчестер. Бетис буквално собирал пари и се пребројувал за да го откупи од Јунајтед и на крај успеал.

Англичаните се неприкосновени на оваа тема. Само првите топ 5 најголеми трошаџии ова лето, Ливерпул, Арсенал, Челси, Њукасл и Манчестер Јунајтед за трансфери издвоиле 1,5 милијарди фунти. Со купувањето на Исак, Ливерпул е прв со потрошени 446 милиони, но и доста продавал. Во најголем финансиски ќар е Борнмут со заработени 65 милиони фунти.

Гватемала може нема рамен терен, ама има желба за фудбал, публика, па уште и пренос со двајца коментатори. Топката не можат да ја штопнат, а не па да врзат некое додавање.

Најтрофејниот тенисер на Гренд слем на сите времиња, Новак Ѓоковиќ се пласираше во полуфинале на Отвореното првенство на САД откако со 3-1 во сетови 6:3, 7:5, 3:6, 6:4 го совлада Американецот Тајлор Фриц и закажа мегдан со Карлос Алкараз во полуфинале.

Бурно беше во последните денови од летниот преоден рок. Некои од избраниците на Милевски завршија голема работа, но за други сè уште трае неизвесноста во пресрет на репрезентативните обврски.

Нестори Иракунда има 19 години. Баерн Минхен пред неколку години го купи од австралискиот клуб Аделаиде Јунајтед и во 2024-та го доведе во Баварија како полнолетен. Не се наигра многу за Баерн па го пратија на позајмица во Вотфорд. А таму на 4 меча веќе има 2 гола и тоа двата од слободни удари и 1 асистенција.

Не веруваме дека е нешто загрижен „специјалниот“ што доби отказ од Фенербахче, бидејќи и онака не му легна турскиот фудбал, кој без пардон го критикуваше. А платата? Платата ќе му тече и со седење дома. Стандард.

Барселона скоро секогаш годиниве, па дури и кога играше во најсилен состав со Меси и Луис Суарез и Нејмар незгодно проаѓаше на гостувањето во Рајо Ваљекано, предградието на Мадрид. Таму во неделата Барса пак ремизираше 1-1 и тоа едвај од пенал. Младиот и одличен лев бек на Каталонците, Алехандро Балде (21) по крајот од дуелот сакал да им го даде дресот на некои мали деца кои му го барале, но постарите навивачи одбивале.

Доминик Собослаи го реши дербито Ливерпул - Арсенал со голчиште од слободен удар кое беше во фокусот. Но, аналитичарите во Премиер лигата забележаа и нешто друго, кое тешко се гледа во пренос. Унгарецот игра во среден ред, но погледнете го колку се жртвува за тимот на цел терен. Истрча од гол на гол во два правци, за прво да учествува во напад, а потоа да помогне назад. Цар.

Велшкиот репрезентативец, ветеранот Арон Рамзи решил да замине преку океанот, во Мексико. Потпишал со Пумас а веќе на вториот меч влегол од клупа за резерви и дал гол во судиско продолжение за победа над Атлас. Рамзи верува дека ќе може да влезе во потребната форма за следната година да настапи на Светско првенство во случај ако Велс таму се пласира (се надеваме нема зошто Македонија е во група со нив).

Светскиот рекет број 1 во моментов, го истреби Александар Бублик во осминафиналето на УС опен за само 84 минути. Синер загуби само три гема и сите 3 сета ги доби со идентични 6:1. Пазете ја сценава кога се намести да потпишува автограми. И тоа пред самото обезбедување.

Словенците на стартот од Европското забележаа два порази, од Полска и од Франција а потоа се истурија на Белгија која ја совладаа со 17 поени разлика 86-69. Лука Дончиќ беше пак најефикасен кај Словенците со 26 поени, 10 скока и 11 асистенции за трипл-дабл учинок. Дончиќ со право на моменти е бесен на своите соиграчи од репрезентација на кои им се извика на еден тајм-аут.

Сте виделе ли до сега некој да постигне три гола на еден меч, ама сите јаки и тоа два со ножички? И тоа не е ова дело на напаѓач, туку на Жоао Невес од ПСЖ, кој има само 20 години и игра во среден ред. Тулуз - ПСЖ, конечни 3:6.

Новак Ѓоковиќ утре, односно вечерва после полноќ по наше време, го очекува дуел од четвртфинале на Отвореното првенство на САД против домашниот миленик Тејлор Фриц. Ноле ќе има тешка задача против одличниот Американец, а во меѓувреме зборувал за условите на Гренд слемот во Њујорк.

Американскиот фонд кој го води 7-кратниот европски шампион Милан летово направи каша-попара со составот. Откако пред неколку години го отпуштија легендарниот Паоло Малдини кој во улога на извршен директор им донесе прво скудето после долго време, во Милан состојбата е циркуска. Дојде Игли Таре како нов спортски директор, а летово се продадени или позајмени 19 играчи од минатата сезона. Дојдоа некои полу-анонимуси.