Ако мислите дека Челси и Јуве сезонава немаат конкуренција во борбата за титулата сте се лажеле, барем се до моментот кога ќе видите што се случува во Шкотска. Селтик има 70 бода остварени со 23 победи и едно реми, а потоа следуваат Абердин и Ренџерс со по 43. Вчера пукнаа петарда на гости со гол од една акција ала Барселона.

Дека на Каталонскиот тим му недостига смешкото кој од шала даваше голови и играше самба еден против двајца, докажува тоа што токму него го назначија за амбасадор на Барселона. Тешко дека има таков на кој не му недостигаат магиите кои ги правеше, па затоа ќе се потсетиме на последната додека беше во топ форма.

Неколку месеци пред Ол-Стар викендот во НБА се одржува Џем Сешн, единствена шанса за фановите да станат дел од 1.500 волонтери и да бидат еден до друг со најголемите ѕвезди. Еден дечко така се пријавил за волонтер, па кога му го дале баскетот да покаже што знае на натпреварот на забивање, ги оставил со отворена уста.

За ваков тикет човек или треба да има многу пари на кои не знае што да им прави или да е богат коцкар во душа на кој веќе му се здосадило да оди во казино, па свртел на фудбал. А можеби се работи за нешто трето.

Успесите од базенот ќе се обиде да ги преслика на паркетот во салите, а викендов го имаше и професионалното деби во спортот кој како мал најмногу го сакал.

Еден од поинтересните дуели на годинешниов Дејвис Куп, Канада - Велика Британија имаше неславна завршница откако 17-годишниот Шаповалов го погоди судијата право во око и тешко го повреди.

Кога ќе се зачудите како може некој фудбалер толку театрално да падне само ако го допрат или ако воопшто не го допрат, сетете се дека има нешто што им пречи, а тоа е голфот.

Македонската машинерија за голови, продолжува да ги тресе мрежите во Серија А. Откако минатата коло Несторовски погоди на Сан Паоло и му скина бод на Наполи, сега постигна многу важен гол во борбата за опстанокот против Кротоне. Во 27 минута на Ренцо Барбера грмеше името на Илија за 9-ти погодок сезонава од вкупно 19 на цела екипа.

Со успехот против Денвер, Грег Поповиќ стана тренер со најмногу победи со еден ист тим во историјата на НБА и го надмина идолот од детството Џери Слоан од Јута Џез.

Некогашниот капитен на Реал Мадрид и Шпанија Икер Касиљас е најзаслужен за победата на Порто во дербито со лутиот ривал Спортинг Лисабон. При резултат 2:1 во 93-та минута Касиљас одбрани топка што сите ја видоа во голот на Порто.

4 февруари 2007-ма или точно 10 години по оној легендарен момент кога О`Ши мораше да изигрува голман против Тотенхем. Ван Дер Сар заработи тешка повреда, Фергусон ги направи сите измени, а Гигс и Руни му фаќаа сеир на дефанзивецот кој одлично се снајде како голман и остана несовладан.

По големиот триумф над европскиот првак Будуќност на гости, ракометарките на ЖРК Вардар го совладаа Мец и стигнаа до одлична серија од седум победи во низа во Лигата на шампионите.

Ел Класико, 2012-та кога Барселона везеше (не дека сега не везе) и по една освоена топка успеа целосно да ги зашемети фудбалерите на Реал Мадрид. Друг клуб ова не го може, особено не против Реал. 

Кошаркарите на Шибеник имаа предност од 86:83 на дуелот со Сплит и на 7 секунди до крај направија намерен фаул, ама на погрешен човек по име Ширко. Дечкото освен што даде две тројки во последната минута, финишот го одигра јуначки и со помош на среќа.

Под палката на Жозе дебитирале 49 млади играчи, но само дебитирале. Најголем дел од нив ги нема на фудбалската мапа, а еден од ретките светли примери е Алваро Мората кој стана стандарден репрезентативец на Шпанија. Што има Мурињо против младите таленти?

Ги гледаш и не знаеш дали да ги жалиш или да се чудиш, како може ваков епски спој на 11 луѓе родени во иста земја да не стигне до ниту еден пехар на големите натпреварувања. До нив ли е, до силната конкуренција или пак лошиот избор на селектори?

Од моментот кога ги облекол рударските ракавици на татко му посакал да биде голман. Од родната Полска кариерата го однесе во Ротердам, Ливерпул и Мадрид, градови во кои прослави многу трофеи.

Во тек е битката за вториот месец во годината на Типстер со стандардно три подароци за најдобрите тројца.

Во големото богатство на најелитните лиги во европскиот фудбал се кријат голем број на погрешни инвестиции за играчи кои се брзо заборавени. Има клубови кои се лузери за успеси во однос на тоа што го трошат. Најдобар пример е Атлетико Мадрид, лош пример двете екипи од Милано.

Пејачот Дејан Матиќ минатата недела стана еден од најпознатите навивачи на Црвена звезда откако камерите го покажаа во кадар како го бодри омилениот клуб на меч од Евролигата против Панатинаикос.

Пред точно 15 години дебитантски настап во сениорска категорија за Феенорд имаше Робин ван Перси. Најголемиот белег го остави во Арсенал каде во деветте сезони остигна 132 гола. Еден од заслужните за тоа е и Арсен Венгер кој од лево крило го трансформираше во напаѓач, нешто што му успеа и со Анри. Робин уште како млад бил амбициозен и тренирал слободни удари пред и после тренинг. Има одлични снимки од неговата младост каде се двоел од другите.