Пошто се очекуваат морализирања од типот не е убаво вака, греота и како не им е срам, веднаш да декларираме дека „Ниедна баба не е повредена за време на снимањето на ова видео.“Секоја старост повремено заслужува вакви моменти. Подоинствено е кога кмишат во ред на каса зашто имало некој попуст или чекаат да ги вклучат во ТВ програма? Накратко, ај па и ние да си дочекаме.

Турската националистичка организација објави видео во кое им се заканува на израелските спортисти дека на Олимпијадата во Париз 2024 ќе завршат исто како и нивните претци на Олимпијадата во Минхен 1972, каде беа убиени 11 членови на израелската делегација. Тогаш масакрот го изведоа 8 Палестинци поврзани со организацијата Црниот септември.

Дечково е на интервју за високо специјализирана позиција на инжинер во американскиот производител на авиони Локхид Мартин. Прашањата се како што доликуваат за таа позиција. Неговото знаење на темата не е ни приближно како што треба, поточно, нема никакво знаење. Ама па има ВИ пред себе.

Луди, луди работи. Со помош на вештачката интелигенција, можеме да слушнеме како би звучел хитот на Тејлор Свифт, Blank Space, кога би го пеел гoсподарот на долните октави, Џони Кеш. Неговите фанови ова ќе го сметаат за тешко богохулие, ама за среќа, таков отпор не се очекува и од фановите на Свифт - тие и не знаат кој е Џони Кеш.   

Брилијантниот план на турските демонстранти беше во знак на поддршка на Палестина да ја сардисаат базата во Инџирлик, една од најголемите бази на американската воена авијација низ светот, на која исто така се сместени и десетици нуклеарни бомби.

Темата целосно електрични камиони стигнува и до дрвосечите на Британска Колумбија. Само во тој регион има околу 5.000 камиони што симнуваат дрвени трупци од планините. Процената е дека еден камион троши во просек троши по 2,5 мегавати енергија дневно. 5.000 камиони би трошеле 12,5 гигавати струја дневно.

Инстаграм видео прашува (и покажува) како по векови бравурозни архитектонски зданија, западната архитектура сега е сведена на коцки и прави линии. Одговорите ем идентични ем целосно различни. Сите се сложни дека Западот веќе ја нема таа вештина: ама за едни затоа што ја заборавиле, за други затоа што нема веќе робови и евтини ресурси за да се повторат овие дела, па полесно им е да тераат прави линии.

Буџетскиот дефицит се трупа кога државата троши повеќе пари отколку што има, а разликата се покрива со тоа што ќе се задолжи (ќе не задолжи сите нас) во некоја банка, финансиска институција или ќе создаде некој друг креативен начин за покривање на своето трошење. И ова е проблем што знае со децении да се влече на штета на народот. А има така едноставно решение.

Проверете го овој момент, го имаше и во муабетот меѓу Морган и Басем. Кога ЧетГПТ ќе го прашаш дали Израелците имаат право да бидат слободни, одговара неедвосмислено потврдно. Кога истото прашање ќе му го поставиш за Палестинците, како оние наши владини чирлидерки на дебатни емисии кога ќе бидат прашани за корупција, почнува да тупи како е тоа сложено прашање, како треба да се гледа контекстот....

Семето на тероризмот се фрлаше и на вакви маслинови бавчи. Доаѓаат израелски Ционисти и на една жена ѝ викаат дека ќе ѝ ја земат земјата на која таа живее со години. Таа не е земјоделски велепоседник и тајкун туку обична жена која со своите деца живее од тие маслинки. Mожете да замислите какви ќе пораснат тие деца, кого ќе мразат и за кого ќе навиваат.  

Како да се справиш со терористичкиот Хамас кога се споени со населението во Газа? Јусеф Басем прави аналогија, ако тероризмот е вирус, што се прави со човек кој има вирус? На телото му се овозможуваат услови да закрепне и да го победи вирусот. А што прави Израел? Израел го тепа болниот и му вика, зошто бе ти не оздравуваш?

Бидејќи вештачката интелигенција по прашање на родот е генерално агностик, нејзината искреност знае да биде брутална. Како со овој дечко кој пробува ТикТок апликација која од тебе создава аниме лик. Апликацијата и нејзиниот софтвер за препознавање лица секогаш го прави машки лик, а тој е убеден дека тоа што е чупан и има долга коса и нокти е доволен доказ дека е женско.  

Се работи за припадник на Хамас кој учествува во нападот на Кфар Ази, а е заробен од израелската армија во куќа на израелски цивили. Видеото е објавено на официјалната Твитер сметка на Израел (@israel), а тој сам ќе раскаже, пред израелски иследител, што барал таму и што правел таму.

Ќе си направите лимонада? Не брзајте, тоа е за лузери. Погледнете ја оваа маестрална сцена од третата епизода на новата хорор серија „The Fall of the House of Usher“ (по приказни на Едгар Алан По). Ем е зипувана лекција по економија и маркетинг, ем е феноменален опис на многу работи што се случуваат околу нас. Да, на крај ќе си направите и лимонада.

Ваков наслов ќе беше нестварен или барем религиозно обоен (Ленон воскресе, ваистину воскресе) да не живеевме во време на вештачка интелигенција. Софтверот на Питер Џексон успеал да го одвои гласот на Ленон од пијаното (и другите звуци) од едно демо кое со текот на времето добиваше митолошки домензии. Демото го даде Јоко Оно. Ви викаме ние дека од секој човек може да има некое фајде?

Линда Андраде живее во Дубаи каде стигнува како сопруга на самопрогласениот „цар на криптовалутите“ Рики Андраде. И меракот на Линда за шопинг изгледа како да нема крај, ама па изгледа и на Рики тоа не му пречи.

Џон Стујарт уште во Дејли шоу, го коментира примирјето во некоја претходна војна меѓу Израел и Хамас. Единствената разлика со денес што уште не сме стигнале до првото примирје. Инаку другото исто, ни О.Н. корисен, ни Америка може да заврши работа.

Своевремено, и овде и глобално многу популарен беше слоганот „Кажете им не на дрогите.“ На тој бран е направена оваа ужасна нискобуџетна реклама (чекајте да го видите кастингот). Толку е лоша и „на прва“, што е дирљиво. Еве една поента: ако му купите ролшули на детето, тоа нема да влезе во комбе во кое некој чичко му нуди бонбони. И после како да речат не на дрогите?

Таман на глобално ниво почна да се билда сериозен отпор и гнев за она кого-удрам-не-жалам на Израел во Газа (не дека на овие им е многу гајле), еве ги сега Хамас да го кажат истото за Израел: Има да ве нема! И да најават дека ќе ги повторуваат нападите како оној од седми октомври сè додека Израел не биде уништен. Како и многупати порано, Тел Авив сега ќе каже: Ви рековме какви се? 

Израелската војска на членовите на израелскиот парламент им покажа до сега необјавени снимки од масакрите на Хамас на 7 октомври. Ова се членовите на Кнесетот пред салата во која се прикажуваат снимките.

Ако се прашува Австриецот не само што е погрешно туку е и штетно промовирањето на „самосоздадени“ мажи или жени „тоа остава погрешен впечаток дека сами можеме да успееме... никој од нас не може.“

Млади луѓе во 20-ти, 30 и 40-ти години развиваат брзорастечки, тн „турбо ракови.“ Доктор Вилијам Макис, шеф на онкологија кој има дијагностицирано преку 20.000 случаи вика дека досега нема видено ракови на дојка во четврта фаза кај девојки на 20 години, или толку напреднати ракови на дебело црево кај млади луѓе. Има леукемии кои убиваат само неколку дена или часа откако ќе бидат дијагностицирани. 

Руско-британскиот сатиричар нè освои со неговиот говор на студентите на Оксфорд, кога не баш нежно ама шарматно ги будеше разбудените, но овој негов говор е уште подобар и појак. Релевантен, јасен и окрепнувачки, наспроти целата денешна кенкавост на лажната левица која повторно сака да наметнува колективни идентитети и да произведува жртви. Феноменален. 

Израелските одбранбени сили вчера ја објавија наредбата генерал-мајор Јарон Финкелман, командантот на израелската Јужна команда, за започнување на офанзивата против Хамас и влегување во појасот Газа.