Двајца цртачи на стрипови, баеги помлади, добиваат задача од Стен Ли во живо да создадат и нацртаат супер-херој за 20-на минути, и по пат да го објаснат својот процес. Во реалност добиваат серија мрчење од мајсторот.

Прво задолжително е да се нагласи дека Фотошоп е ненадминливо напредна и корисна алатка што не може да се замени. Ама некогаш има ситуации кога не ти треба целиот арсенал со кој располага Фотошоп, или па не ти е при рака за некои бејзик измени. Е за такви ситуации има два линка што директ треба да завршат во букмаркс.

Мајмуни и луѓе пред иста задача: како да се извади бадемче од една долга пластична цевка. Луѓе пробуваат со прст, со дување, со корнење. Практично се неупотребливи додека не им дадеш да видат на Јутјуб како тоа го прави мајмунот. Експериментот завршува со генијална порака: „Ајде да зборуваме за образованието“

Ок, не го знаеме тоа ни за нас, ама знаеме некако за Расел Бирк. 21 годишниниот сурфер од Австралија бил близу португалските брегови каде фати да јава еден импресивен бран од 30-40 метра. Едвај го спасија.

Свашта се случуваше на гигантскиот собир на државници и политичари во Франција, дојдени за одбележување на 100 годишнината од завршувањето на Првата светска војна. Кој каде седел, кој со кого се поздравил и сликал (штета што не беше Димитров, тој најјаки фотки вади oд вакви настани). зошто е Вуќиќ смрзнат... Одбравме три други моменти.

Одиш на Амазон, налетуваш на фотографија од чергиче за пред врата. Ти се бендисува и нарачуваш. Што добиваш? Фотографија од чергиче за пред врата! Нели е генијално?

Питерсон седнал и напишал концепт за излез од кризата во која се заглавени Демократите. Не за дневно-политички смисалици туку за сериозни вредносни поместувања. Граѓанинот повторно да биде суверена индивидуа а не припадник на идентитетски множества што опшптеството го води кон трибализам, да се рехабилитира слободата на говорот, да се обноват врските со работничката класа. Но, како прво, да се извинат. Затоа што наместо да преземат одговорност за заслужениот пораз, ги демонизираа оние кои поштено и демократски ги победија. 

Роналд Реган во 1987 година е во Берлин, каде што се наоѓа по повод еден јубилеј на градот. Им се обраќа на американските војници од тамошната авио база. Среде говорот, еден од славеничките балони пука, што се слуша како истрел. Важно: ова му се случува на човек кој претходно има преживеано атентат во кој беше ранет. Пазете му ја реакцијата. 

Како да познаеш човек кого жена му го пратила во продавница со зборовите: Само глеј да заборавиш да купиш нешто од тоа што ти нарачав!

Божиќната реклама која е соработка меѓу Гринпис и синџирот супермакети Исланд, е забранета во Британија по основа дека содржината и е премногу политичка. Рекламата е цртан со девојче и мајмунче, во кој ова второво се жали дека човекот му ја има уништено целата џунгла во име на производство на повеќе палмино масло и шампони.

Во песната која денес ја анализираме „Зови човика“, Војко В, се фали (од 0:14 do 0:18): „7/8 метрика, ваков рап нема Европа и Америка“.

Додека кај нас се редат благоглаголиви вуцибатини кои заради полесно голтање на капитулацијата со Грција објаснуваат дека промените на уставот се козметички, небитни, само допрецизираат некои работи и слично, постојат цивилизирани држави во кои овие текстови се сметаат за врвни филиграни. На пример, клучната реченица во американската Декларација за независност, била отпечатена во две верзии. Еднаш со точка, другпат со цртичка/тире. Огромна разлика. 

Нема тука многу за кого да навиваш. Вообичаено секојдневно шакетање во Белата куќа, во случајов во врска со мигрантскиот карван од централна Америка. Боите на телевизијата ги брани Џим Акоста, а за Трамп игра Доналд. Од политичка тема брзо се доаѓа до: „Вие сте груб, ужасен човек.“

Се покажало тоа како потешка задача отколку што се мислело, бидејќи се работи за речиси безброј нестандардни облици на облека која треба да се натне на себе. Сепак, со помош на Deep Reinforcement Learning, после неброени часови обиди и грешки, вештачката интелигенција успеала во она во што ние успеваме и кога сме најглупи - сабајле. 

Колекција од Фејсбук статуси од некои од клучните моменти во човековата историја. Титаник не требало толку да се чатали.

Дузина опасни гитарски песни, отсвирени без ронка гитара. Само клавијатуруи, тапани и бас.

Иако шансите да налетате на овој збор се реално мали (ако сте нормален човек), сепак, можете да го начекате во некоја од оние уметничко - филозофски дискусии кои ги водат учени луѓе чија работа е толку досадна што мора да користат големи зборови за да ја направат поинтересна. Најјасно на свет, објаснува премудриот Хенри Јангмен.

Трабант, една од најмоќните автомобилски справи на светот, кога е доведен во беља, се однесува како гуштер.

Пауерлифтинг е нешто слично на олимпиското дигање тегови, само што е составен од три дисциплини (дигање од клечење, на клупа и од место) чиј комбиниран резултат го дава победникот. Него, остајте тоа. За фаците во клучните моменти ни е муабетот.

Некој овде да отвори фурна со вакви, само од пензионери може да живее ко бог.

18-годишната девојка пред камерата на својата мајка покажува како за луѓе со нејзина дијагноза изгледа справувањето со јајца. Што се однесува на туретовиот синдром нејзиниот став е „со него се справувам фокусирајќи се на смешната и позитивната страна, а исто така и со споделување на моите искуства со другите“.

Фасцинантна е не само возраста (84 години) и умешноста на тие години да се свири така, туку и фактот дека она што го свири Наталија Треилинг на улица во Мелбурн е она што во тој момент го создава. Композиција која не била свирена никогаш порано и никогаш после тоа.

Интересен графички приказ на споредбеното движење на 10-те најголеми БДП-и во светот, од 1960 година до лани. Можеби следењето на првото место е досадно (Американците), ама затоа пазете ги она Кинезите како финишираат.

Болсонаро не е бразилскиот Трамп, како што тоа често прелесно се врзува. Не е тој од новиот алт-десен бран во САД и Европа. Тој е опасен старомоден екстремен десничар за кого гласаат обични Бразилци, сиромаштија, црнци па дури и ЛГБТ. Луѓе кои до вчера гласаа за левицата. Небањатите. Сите очајници кои сфаќаат дека стандардната политичка елита пет пари не дава за нивните проблеми.