Додека долу на улицата се случуваат нереди, протести, револуции, некој на балкон ладно си тегне цигара. А нашата хероина е спрат подолу. Ем се информира за дневно-политичките случувања во својот град, ем си брка работа. Кога се сака, сè се може. Нема пофранцуско комбо од ова.

Само што објавивме бугарска реклама базирана на Титаник, а еве стигнува и една британска реклама базирана на Боемската рапсодија. Исто е, ама... ич не е исто. И не само Фреди, и не само оние што ја правеле, туку некако си горд и што ја гледаш рекламава.

Стефан Фостер 8 години патува низ Грендланд, и осум години нема една причина за радост. Меракот е што гледа величествена природа недопрена од човек. Проблемот е што гледа како истата оваа природа се топи и ја снемува пред негови очи заради зла направени на сосема други краишта од планетава.

Игра посветена на пациенти со ОЦД од поткатегоријата графички дизајнери. Гледаш точка на екранот и гледаш некаков елемент, твое е да бидеш снајпер и да утврдиш дали точката се наоѓа во центар. Не се работи за вештина, се работи за проблем.

Не мора сите да ги гледате, не мора сите да ги знаете, не мора ни сите да ви се допаѓаат. Кога сме веќе тука, не мора ни видео обројувањево да го изгледате. Ама па би било штета да го пропуштите. Традиционално од Дејвид Ерлик.

Состојки: стара Лада; запален багажник; брзина од 60 км/ч; едно 40 метри летање од рид; замрзнато езеро; бројни другари и познаници кои грижливо ти фаќаат сеир и те снимаат што правиш.

На толку корисни работи што се изнакажа човеков, веројатно најдолго ќе ни држи тоа дека само што дознавме дека постои професија „експерт за сланина“, и тоа многу ни менува во животот. Исто и сланина од мисирка не е сланина!

Изборот е поделен на неколку категории, две важни: најдобра апликација и најдобра игра; и уште неколку ставки како филм, музика и сродни мултимедијални содржини што Гугл се обидува да ги истурка во својата продавница.

Мала животна поука од документарецот на Би Би Си. Кралот упаѓа во територија која гадовите ја сметаат за своја. А Џони за гадовите вика:„много их је и страшно галаме“.

Немате само вие свои проблеми. И не сте единствени на овој свет кој се соочува со тешкотија која изгледа нерешлива. Но, бидете сигурни, вие можете да бидете подобри. Барем од неа. Малку ли е тоа?

Спојлер: Прднуо Махмуд, не моеш се дахнут!

Некогаш животот знае да претера а некогаш товарот на светот станува претежок за носење. Понекогаш човек треба да престане да се секира и длабоко да земе воздух. Тука сме!

Точно дека носењето кацига го прави возењето точак побезбедно, ама има многу ама околу темата, па целата работа не е ни приближно црно-бело. Во основа решението е со две точки: 1. велосипедисти треба да носат кацига; и 2. никој не треба да тера велосипедисти да носат кацига ако не им се сака.

Џеф Рос е еден од ударните тупаници на „ростинг“ шоуата, кога некоја позната фаца добороволно ќе седне да слуша како дузина комичари му прават генгбенг (што е многу различно од она што го замислува Шилегов и неговиот кабинет, ама ај). Но, Рос не е многу пребирлив и не се чува само за познати. Оди тој и по улици меѓу обичен свет „да си ја бара белјата“. Компилација од некои негови најбруталнии моменти.

Дечко неколку месеци пушта брада и уредно секој ден (или скоро секој) се фотографира за да го забележи напредокот. И после зборете за упорност...

Иако се дружи со носители на телешко месо кои ќе завршат на трпеза, еден австралиски вол ќе си го продолжи животот благодарејќи на својата големина. Се вика Никерс, има седум години, висок е 194 сантиметри а тежок 1.400 килограми. Просто, не може да биде транспортиран до кланица а и таму не може да помине на стандардната лента на смртта. Цврц!

Најинтересно е што не се дере од шокираност, туку тоа е само една фаза од нејзиното справување со ситуацијата. Втората е да заплаче а третата да го слика цајканското комбе. На крај веројатно ќе ги објави сликите на Фејсбук и ќе раскаже каква траума преживеала од полицијата.

Гардијан секогаш има нешто за жени и за менопауза. А што правиме со дебели средовечни мажи што имаат средовечна криза?

Шефот на британската дипломатија сними едно кратко видевце за време на посетата на Португалија, за да го истакне долготрајното пријателство меѓу двете земји, ти реков, ми рече. Но, постои една снимка од тоа што сè има изнатресено додека ги снимил тие пар реченици. Од тоа дека не знае што баш се случило за време на Втората светска војна па до тоа дека Џемс Бонд бил роден во Есторил. Џонсон и наша Ременска би можеле бајно да се дружат. Тој неа да ѝ кажува за 007, таа нему за Микеланџело Бонапарта.

Знаеме, знаеме, некогаш поинаков наслов ќе ставевме.

Драматично и напнато видео од еден лет со глајдер во кој едниот од двајцата летачи се нема врзано. А другиов никако да го спушти леталото па животот на првиот буквално му виси цели 2 минути и 14 секунди. Завршува со хепиенд? Речиси. 

Ова е една веб класика ама да не заборавиме дека постојано навалуваат нови генерации кои допрва треба да го научат координатниот систем. На XY оска, еден цреп заебантски објаснува како стојат работите на таа тема. Најјака е „опасната зона“ во која спаѓаат „црвенокоси, стриптизети и сите што се викаат Тифани“, ама почекајте ја и последната. Како и во сите стереотипи, и во овој има - вистина.

Традиционално и годинава Блек фрајдеј не разочара сликовито да претстави дека човек е подготвен да убие, или барем да спружи некого на патос, за добар попуст.

Сцена од една театарска претстава во која еден од двајцата актери толку јако ја долови уверливоста на својот лик што на другиов Станиславски уште долго ќе му зуе во уши.