10 минутна видео снимка од протестите наречени „Заедно за слобода“ по повод најавата за затегнувањее на рестриктивните ковид мерки (задолжителни маски за сите над 10 години и слично). Според полициски проценки, имало 35.000 луѓе. „Како што им се правеше на животните, сега луѓето сакаат да ги стават во кафези“, вели еден демонстрант.  

Еден стар (2004) поздравен говор на Саша Барон Коен како Али Џи на завршените студенти на Харвард. Најјаки се оние на кои не им е смешно или пак им е баш незгодно. „Со парите дадени за ваше школување, вашите татковци можеле да си купат Лексус, ама тие решиле да инвестираат во иднината на своите деца. Дали се тие нормални?“  

Од 2009 до 2019 година, во богатите квартови на Лондон се изградени преку 7.300 подруми. Некои одат и по три спрата надолу. За подземни базени, приватни кино-сали, скапи вински подруми.... Приказната започнува со поплавениот стан на Брајан Меј од Квин.

Деновиве 82 годишен роденден прослави Игор Мандиќ, енфант терибл на хрватската јавна сцена, брилијантен и бескомпромисен полемичар, есеист, критичар и новинар со 30-тина книги зад себе. По тој повод, овој хедонистички витез ќе го каже следново:

Пум-пум, папара-папара, пињау- пињау.... Во недостаток од муниција, војници на армијата на Мали, на воена вежба се принудени да се служат со звуци од сопствено производство, како деца во маало. Кој кажа дека војската мора да звучи страшно?

Не дека некогаш ќе се разберат и согласат Бил Мар и Крис Куомо од CNN околу Шапел, но таму барем некои теми се држат живи и отворени. Мар раскажа анегдота за жена која како мала важела за машкоданка (во пубертете ѝ минала таа фаза). „Да растев сега таква во Калифорнија, веќе ќе ми сменеа пол“.

Ова може да биде идеален подарок во две насоки. Може лидерот да им го подарува на своите полтрони за да го обожуваат, галат и бацуваат, а може и полтроните да му подарат на саканиот лидер траен спомен од нивниот најдрагоцен дел. Неџат, Паралитико, у реду е, не треба фала за идејата.

Смејурија од најнеочекувана тема: едноминутни молчења по спортски натпревари. Нема тука ништо смешно, сè додека не сфатиш дека на тие моменти мора да им се придружат и присутните спортски маскоти, со своите дифолтно весели фаци. Еден твитер акаунт собира такви моменти, кога несакајќи се ебе траорноста на моментот.  

Се проценува дека Американцуите имаат оставено зад себе огромен дел од 85 милијарди долари вредниот воен хардвер во Авганистан. Генерал Марк Мајли објаснуваше дека „било поевтино да се остави опремата.“ Талибанцитее решија да покажат дека тоа што им е оставено во посед, ни оддалеку не е старо железо.

Бен Шапиро е пукан зајак и знае дека на неговите предавања по универзитетските кампуси кои последниве години се инкубатори за прогресивни бролјери, може да очекува секакви прашања. Ама баш секакви.

Чујте ја вие неа. Тврди дека кога женско детенце си ја корне косата, тое е всушност пре-вербална комуникација дека внатре во неа има машко. А пак кога машко си раскопчувало шпилхозна или скафандер (па онда му паѓаат краевите како фустан), и тоа е родова порака, дека е женско. Него, тоа со одење на Марс, до каде сме? 

Многу генерации се имаат зезнато и разочарано на ист начин, предвидувајќи дека иднината ни носи коли што летаат. На Дејвид Геролд, наградуван сај-фај автор и пишувач на оригиналните Стар Трек епизоди, работата му била мноооогу појасна.

Кога веќе можеше да најде музика во звук од маче, амали или војници, не е многу чудно што Кифнес успеал да најде музика и во - песна на Карлеуша. Не директно туку преку некој црногорски двоглас. Лошо, ама, тоа е.

Дечкото со јаглен и графитен молив црта хипер-реалистични цртежи, на кои може да позавиди секој фотоапарат на светот. За некои од цртежите му требаат и 200 работни часа. Само за цртање на едно око му одат цели 5 часа. Ама око, мислиш ќе ти трепне!

Фалон во Њујорк го чека Вил Фарел во емисија. Кимел во Лос Анџелес го чека Рајан Рејнолдс во емисија. Фарел живее во Лос Анџелес, Рејнолдс во Њујорк. И на едниот и на другиот не му се патува преку цела Америка за да биде на „најт шоу“, па секој си оди кај локалниот во емисија.

Канада и Данска уште од 1930-тите години водат спор околу малиот остров Ханс кој се наоѓа во Кенеди каналот, меѓу Гренланд и островот Елсмер. Во 1973 година двете држави ја утврдуваат меѓусебната водна граница но не успевaaт да се договорат околу Ханс. Десетина години подоцна, почнува да биднува вака:

Совет за девојки: ако решите да станувате мисс, гледајте тоа да не е Мисс на Финска затоа што ќе треба да правите вакви интерјвуа.

Сме виделе тесни премини за кола во тоа глупите новоградби (во Кисела вода, на пример), ама ваква рационализација на бројот на чекори потребни од кола да стигнете до дома, немаме видено. Единствен начин да му ја украдеш колата на стариов е прво да му провалиш дома. 

Фасцинантно е колку несвесно а непогрешливо прецизно ги примаме и доживуваме невербалните, визуелни пораки во еден филм. Што кога е нешто тркалезно, што кога е триаголнесто и што сè може да се долови доколку биде ставено во рамка. Фасцинантно.

Ги знаете ли? Три деца имаат ама ѕвезда е најмалата, Мали, која го збунува татко ѝ со нејзината опседнатост со музика и желба за пеење и играње. А Мали знае свашта, од латино до Том Џонс. Плус мултилингвална: освен што перфектно пее шпански и португалски, учи француски, јазикот тви (од Гана, од мајка ѝ) и лингала (конгоански, од татко ѝ). Ама, убер алес, музика за сите пари!

Неколку ефикасни решенија за река која не се користи за истурање на какви не хемикалии и фекалии, туку само за господски урбан отпад од секаква форма, состав и големина.

Убаво е кога блиските ти ги знаат маните само што не е исклучено дека тие ќе сакаат да те цимаат баш таму. Девојката добива инстант нагон за повраќање штом некој во близина симулира такви звуци. А во близина е маж ѝ кој добро го знае тоа и ја ремети кај стигне.  

Европјани главно со стандардна надменост гледаат на Американците, негувајќи го стереотипот дека тоа се луѓе кои немаат елементарни познавања за светот и реалноста. Да погледнеме сега во европскиот двор во кој нè има и нас и комшиите.

Во пресрет на Октоберфест, компанијата реши да понуди специјална едиција на нивниот популарен „Минхен“ модел која има детали  во чест на пивскиот фестивал но најбитна особина е што се премачкани со специјален DPBR премаз кој ги прави отпорни на пиво од прва рака и на она пиво кое организмот го проценил како вишок. Она DPBR доаѓа од „durable puke & beer repellent“.