- Светскиот рекет број 1 Јаник Синер денес преку видео порака на своите налози објави дека ја завршува сезоната предвреме. Причина за тоа е желбата да се опорави во целост од повредите.
- „Јас, заедно со лекарите решивме дека ми е потребен третман на коленото што значи дека сезоната 2026 е официјално завршена. Последните неколку години особено завршницата во Торино ми дадоа толку многу убави чувства и емоции кои годинава ќе бидат поинакви.
- Но во моментов размислувам и за мојата долгорочна кариера. Ќе направам се што е можно да се вратам 100% подготовен. Ви благодарам однапред за вашата поддршка и се надевам дека ќе ве видам многу, многу скоро пак на теренот“, рече Синер.
- Италијанецот сезонава доминираше и освои дури пет Мастерси во низа: Индијан Велс, Мајами, Монте Карло, Рим и Мадрид. Освои и Гренд слем титула на Вимблдон, а поради повреда изгуби од Серундоло на Ролан Гарос во Париз.
- Беира Салифоска, позната како Беки, уште еднаш покажа дека со упорност, поддршка и силна волја можат да се поместуваат личните граници. Заедно со својот асистент, таа успешно ги истрча сите 21 километар на Wizz Air Скопскиот маратон.
- Беира е лице со целосно оштетен вид од раѓање, а нејзиниот настап на полумаратонската дистанца претставува голем личен подвиг. Пред неколку години таа веќе беше дел од Скопскиот маратон, кога успешно ја заврши трката на 5 километри. Овојпат предизвикот беше повеќе од четирипати подолг.
- „21 километар храброст, сила и инспирација! „Горди сме на тебе, Беира! Ти си вистинска инспирација“, објавија од Државното училиште за деца и младинци со оштетен вид „Димитар Влахов“ – Скопје.
- Пред утрешниот емотивен последен натпревар за Лионел Меси во неговата репрезентативна кариера, против Бенин на пријателска средба, да се потсетиме како изгледаше неговиот прв натпревар на Мундијал со „гаучосите“.
- На 16-ти јуни 2006-та година Аргентина ја совлада Србија и Црна Гора, тогашната заедница со 6-0. На тој натпревар Лионел Меси за првпат заигра на еден Мундијал. Во Берлин влезе во игра од клупата во 74' минута. Имаше 19 години. Набрзо му асистираше на Ернан Креспо за негов рекорден четврти гол на мечот а подоцна во 88-ма минута и самиот го даде последниот гол за дефинитивни 6-0. Ова беше втор натпревар на Аргентина на тоа Светско првенство 2006 а завршија први во група Ц.
- Кои играчи беа дел од тој натпревар за Аргентина и за Србија и Црна Гора?
