Вести › Набрзинка

Нов обид на Трамп да го ограничи правото на државјанство на САД

7 August 2026

Претседателот Доналд Трамп потпиша две извршни наредби за автоматското право на стекнување државјанство за деца родени во САД и за спречување на „породилниот туризам“.
Првата наредба го ограничува правото на државјанство на деца на странци само за одредени категории лица. Државјанството автоматски нема да важи за деца на родители што работат во странски амбасади или организации, или за родители за кои има основани сомневања дека го злоупотребуваат системот.
Врховниот суд на САД на 30 јуни ја поништи претходната извршна наредба на Трамп со која децата на илегалните имигранти и на лицата со дозвола за привремен престој се исклучуваа од правото на автоматско државјанство врз основа на местото на раѓање.
Втората наредба го забранува „породилниот туризам“ - честа практика на бремени жени да патуваат во САД со туристичка виза со намера таму да се породат и детето автоматски да добие американско државјанство.
„Некои богати лица градат бизниси врз основа на правото на државјанство по пат на раѓање. Не требаше така да функционира. Тоа е срамота. Тие си го купуваат патот внатре. Нема да дозволиме тоа да се случи, изјави Трамп.

извор

Казна од 942 милиони долари за Мета поради загрозување на здравјето на децата

7 August 2026

Судија во Њу Мексико ѝ наложи на компанијата Мета да плати 942 милиони долари, затоа што изложила деца на штетни искуства на своите платформи Фејсбук и Инстаграм.
Сумата вклучува казна од 375 милиони долари и уште 567 милиони долари наменети за фонд за санирање на штетата, вклучувајќи 420 милиони за лекување на деца.
Согласно судската одлука, Мета мора да ја зајакне проверката на возраста во Ново Мексико, да го ограничи пристапот на малолетните корисници на вкупно 90 часа месечно на Фејсбук и Инстаграм, да ги исклучи повеќето push известувања преку ноќ и за време на наставата во училиште и да го скрие бројот на „лајкови“, освен ако родител или старател не дозволи да бидат прикажани.
Досега највисоката парична казна за Мета во врска со безбедноста на децата е 1,57% од профитот на Мета од околу 60 милијарди долари во 2025 година. Сепак, се однесува само на една сојузна држава во САД и се толкува како сигнал дека судовите посериозно ќе ги третираат штетните последиците од социјалните мрежи врз децата.

извор

После посетени 43 европски града, во срцето останало Скопје

6 August 2026

Откако посетил 43 европски престолнини, искусниот патник Конрад Варжеха вели дека едно место секогаш заслужува повторно враќање.
Иако некои од најголемите европски градови, како Рим поради неговата единствена атмосфера или Варшава поради богатата гастрономска понуда, го оставиле без здив, неговиот личен фаворит е Скопје.
За нашиот главен град вели дека сè уште го поседува она што многу популарни дестинации одамна го изгубиле - автентичноста.
Особено му се допаднале плоштадот „Македонија“, величествениот Камен мост и живописната Стара чаршија, како и неверојатната мешавина од архитектонски стилови што ја раскажуваат приказната за богатата и слоевита историја на градот. Бил фасциниран од деталите, од грандиозните скулптури и споменици од „Скопје 2014“ до византиското и отоманското наследство што се чувствува на секој чекор.
Вели дека оваа комбинација создава уникатен и малку надреален амбиент што освојува.

извор