Во септември ќе има 4.900 првачиња помалку од лани
6 август 2026
- За претстојната учебна година се пријавени околу 4.900 првачиња помалку од лани, предупреди министерката за образование и наука Весна Јаневска. Таа истакна дека бројката не е конечна, бидејќи се уписите се отворени до септември
- „Жал ми е што морам да кажам, но тоа е факт, од лани до годинава има околу 4.900 првачиња помалку. Колку и да се запишат, уште 2.000 да се запишат, ќе бидеме со најмалку 3.000 првачиња помалку. Тој тренд го очекуваме и следната година, што е поразително за оваа земја“, изјави Јаневска.
- Намален е и бројот на ученици во средните училишта, но не драстично. Бројките не се дефинитивни зашто има и трет уписен рок во август.
- Во врска високото образование, Јаневска рече дека е намален интересот за студирање математика, физика и географија, а во одредени делови и за македонски јазик.
- „Пазарот на труд е одлично покриен со информатика, електротехника, машинство, тие се над 90% вработени. Имаме недостиг на работни места за дел од општествените науки. Економија е одлично покриена и тие се речиси сите вработени. Право малку послабо... Затоа оваа година направивме мала рестрикција во квотите“, додаде министерката.
