Австриската гејминг-новинарка Алана Пирс стана вирална откако одлучи дека на ниеден начин не е должна да трпи нешто што можеме да го ословиме само како „глупи копиљаци на интернет“.
Работи како рецезентка и радио-водителка и редовно се соочува со мизогини навреди и насилни пораки на социјалните мрежи. Откако дознала дека многу од анонимните профили што ѝ се обраќаат припаѓаат на деца на школска возраст, заклучила и дека нема смисла директно со нив да се расправа.
Наместо тоа, ги пребарува нивните јавни Фејсбук-профили, идентификува членови на нивните семејства и контактира со мајките. Им праќа скриншот од навредливите пораки што ги пишуваат нивните синови и на вознемирувањето му дава реални последици. Во еден случај мајката одговара со шок и разочарување и кажува дека лично ќе се позанимава со детето:
Сосема адекватна реакција.
Пристапот доби широка поддршка и ја фалат дека успеала да ги улови авторите на анонимните пораки и да ги „изведе пред судот“ на родителите што се за нив одговорни.
Пирс истакнува дека целта е едноставна: малтретирањето преку интернет не смее да помине без последици.
