- Навивачите на Шкендија пред натпреварот од финалето на Купот на Македонија ја исвиркаа македонската химна за време на интонирањето, извадија покривно знаме на кое алудираа на некаква поврзаност на ФФМ со ФК Вардар, скандираа погрдни националистички извици и што уште не...
- Играчите на Шкендија наместо достоинствено да го признаат поразот од 1-0 од Силекс, да му честитаат на ривалот, да подадат рака на противникот како сиот нормален свет, тие не дојдоа ниту на доделување медали, стоеа пред нивните навивачи кои од нив бараа да ги соблечат дресовите.
- Однесување далеку од некаков евро-претставник на земјава кој од сезона во сезона, од година во година покажува целосна непочит кон земјата од која им овозможува пат во еврокуповите.
- Според правилникот на ФФМ, Шкендија треба да биде драконски казнета парично, со суспензија и со одземање на бодови за бројните инциденти во финалето на Купот на Македонија. На потег е Фудбалската федерација на Македонија.
- Во соопштение од Шкендија Тетово доцна синоќа известија дека тие немале намера да го избегнат доделувањето на медали, дека фудбалерите отишле кај нивните навивачи да им се заблагодарат за поддршката и да им се извинат за разочарувањето. Престојот пред навивачите се оддолжил па затоа потраел подолго и не дошле по медалите.
- По очајната сезона во која останаа без шампионскиот пехар, изгубија убедливо во полуфинале на Куп на Македонија, претрпеа еден куп порази во Лига на шампиони и имаа тренерски смени, ракометарите на Пелистер конечни ги израдуваа своите навивачи.
- Зелено-белите го совладаа ГРК Охрид 25:22 на гостински терен во дерби колото од 9. коло од доигрувањето за титула во Суперлигата.
- Во салата „Билјанини извори“ во која за некој ден ќе се игра реваншот од финалето на ЕХФ Купот меѓу Охрид и Татабања од Унгарија, Пелистерци заслужено славеа и на крај ќе го освојат второто место кое води во ракометната Лига Европа.
- Богдан Радивојевиќ со осум гола беше најдобар играч на мечот а Никола Митревски имаше двоцифрен број одбрани. Јасухира даде пет погодоци кај домаќинот Охрид.
- Фудбалерите на Силекс предводени од одличниот тренер Александар Васоски го освоија Купот на Македонија откако вечерва на Националната Арена ја совладаа Шкендија со 1-0 со голот на Алиќ во 71' минута.
- Кратовци го освоија четвртиот пехар во Купот на Македонија и се израмнија со Работнички на трето место на вечната листа освојувачи на најмасовното натпреварување.
- Силекс обезбеди и пласман во квалификациите за Конференциска лига.
- Натпреварот го одбележаа неколку инциденти, навивачите на Шкендија пред почеток на мечот ја исвиркаа македонската химна, потоа скандираа против ФК Вардар и ФФМ, имаа некои спорни пароли а на крајот од мечот и побараа од играчите да ги соблечат дресовите.
