Вести › Набрзинка

Проектот Слобода ги врати престрелките во Ормускиот проток

5 May 2026

Американскиот „хуманитарен“ Проект Слобода за деблокирање на бродовите заглавени покрај Ормускиот проток предизвика нови престрелки со Иран, први посериозни откако беше постигнато примирје на 8 април.
САД објавија дека два товарни брода безбедно поминале низ протокот, заштитувани од воената морнарица, која уништила шест ирански патролни чамци. Претседателот Доналд Трамп предупреди дека сите ирански сили што ги напаѓаат американските бродови ќе бидат „разнесени од лицето на Земјата“.

Техеран го демантира ова и тврди дека протокот останува блокиран. Иранската морнарица отворила оган врз американски воен брод и го принудила да се оддалечи од Ормускиот проток. Погоден бил и еден брод што се обидел да помине низ блокадата.

Иран во меѓувреме, истрелал ракети и дронови врз нафтениот центар Фуџиара во ОАЕ. Еден дрон ја пробил противвоздушната одбрана предизвикал пожар во пристаништето што Абу Даби го користи за пумпање сурова нафта. Ирански офицери го потврдија нападот како „одговор на авантуризмот на САД“.

Како последица на сето ова, цената на барелот суровата нафта „брент“ скокна за 5,8% на 114 долари.

извор

Потпишете договор со ЕДС и изберете вреден подарок: Инвертер клима уред или електричен тротинет!

4 May 2026

извор

Британија ќе ѝ плаќа „такса“ на ЕУ за да му продава оружје на Киев

4 May 2026

Премиерот Кир Стармер сака да ја вклучи Британија во европскиот заем од 90 милијарди евра за Киев. Лондон би плаќал дел од каматата за да им отвори можност на британски компании да ѝ продаваат оружје на Украина – главно проектили „сторм шедоу“.
„Кога Британија и Европската Унија работат заедно, сите ги жнееме придобивките. Во овие нестабилни времиња треба да одиме подалеку и побрзо во одбраната за да ги заштитиме луѓето“, изјави Стармер.
Две третини од заемот (околу 60 милијарди евра) што ЕУ неодамна го одобри за Киев е наменет за одбранбени трошоци на Украина. Главен услов од договорот е Украина да купува оружје од домашната индустрија или од европските сојузници. Зделки со трети земји – како Британија - се дозволени само ако нема алтернатива или ако времето за испорака е значително пократко.
Каматите од заемот би можеле да достигнат и до 20 милијарди евра. Од Украина не се очекува да ги исплаќа сè додека не добие воени репарации од Русија, ако таква одредба воопшто биде вклучена во евентуалниот договор за крај на војната.

извор