Сведочејќи под заклетва пред Постојаниот поткомитет за истраги на Сенатот на САД, главниот советник Ерон Сири ги откри резултатите од долго криената студија од Здравствениот систем „Хенри Форд“ во Детроит, Мичиген.
Ова била најголемата студија за вакцинирани наспроти невакцинирани деца од раѓање досега (n=18.468). Децата биле следени од раѓање во период од 10 години. Податоците биле извлечени директно од електронски медицински картони - златниот стандард за здравствени исходи во реалниот свет.
Студијата ја водел докторот по заразни болести Маркус Зервос, кој бил застапник за вакцинирање. Била готова во 2020 година, но неговиот тим се воздржал од објавување на резултатите поради загриженост за работното место и за да се заштитат лекарите од напади.
Во споредба со невакцинираните деца, оние кои примиле една или повеќе вакцини имале драматично повисоки стапки на хронични заболувања:
- 4,29 пати поголема стапка на астма;
- 3,03 пати повеќе атопични заболувања;
- 5,96 пати повеќе автоимуни заболувања;
- 7 пати повеќе акутни и хронични инфекции на уво;
- 5,53 пати повеќе невроразвојни нарушувања, вклучувајќи 3,28 повеќе доцнења во развојот и 4,47 пати повеќе нарушувања во говорот.
Сири сведочеше дека сите овие наоди се статистички значајни.
Уште повпечатливо: кај невакцинираните деца имало НУЛА случаи на мозочна дисфункција, дијабетес, ADHD, тешкотии во учењето, интелектуална попреченост и тикови, за разлика од стотици случаи меѓу вакцинираната група.
По 10 години, 57% од вакцинираните деца имале барем една хронична здравствена состојба (честопати повеќекратна), а само 17% од невакцинираните имале каква било хронична болест.
Студијата: „Влијание на вакцинацијата во детството врз краткорочните и долгорочните хронични здравствени исходи кај децата: Студија за кохортна болест при раѓање“ се смета за најважната досега за безбедноста на вакцините. За студијата и особено за нејзиното криење од јавноста, Мрежата за информирана согласност (ICAN) и Дел Бигтри снимија документарен филм „Незгодна студија“, кој ќе биде промовиран во октомври.
