Читател побарал од ЧетГПТ да каже "што би било кога би било": каква денес би била Македонија ако не беше распарчена на три дела. Сценариото е и повеќе од поволно за нас; ќе бевме важна регионална сила од 7 милиони луѓе со БДП од 122 милијарди долари и силен национален идентитет, ќе нè имаше на Европско и Светско....Ах, да знае ЧетГПТ дека не може Македонија толку да биде голема и силна колку што можеме ние да ја засереме. 

Постари луѓе во Македонија знаат да се чудат како нашиве млади не разбираат српски или хрватски што обично им служи само како повод да запознат прикаски за отекување како било некогаш, како сите се разбирале во Југославија, учеле јазици, читале стрипови,  ете ја и неизбежната ЈНА... ЈБГ старки, се менуваат работите, хиљаду му даброва.

На опозицинерски расположената Србија, ова видео им користи како пример дека светот нема видено таков лопов како Александар Вучиќ. Влегува тој во манастирот Студеница, некој од екипата му додава пари за да стави на икона, Ацо парите ги става во десен џеб, ја целива иконата и се фаќа за - лев џеб. Така се чуваат пари, чеда божји.

Пазете вест: Општина Центар ќе добие полициска помош и асистенција во справување со вандализмот, сообраќајниот хаос и прегласната музика во Капиштец. Пошто сами не можат да намалат, као не ги пуштаат на врата, немаат резервација.

Јули 2024. На Преспанско Езеро му се случува забрзано исчезнување. Во однос на ланскиот 5 јули, нивото е пониско за цели 39 cm, иако според досега воспоставената динамика на намалувањето беше очекувано намалување од околу 18-20 сантиметри. Можно е кон крајот на ноември езерото да достигне нов стогодишен минимум.