Ме повикале зашто сакале малку „буст“ за Преспанскиот договор. Договорот го одбив и едвај чекаа да ме снема од салата во хотелот. Од тој ден до денес, никогаш повеќе ниедна инстанца во земјава ме нема повикано на никаков разговор. Дотогаш ме имаше секаде. Од тој ден ме немаше никаде. Ниеден повик за гостување: телевизија, радио, поткаст, колумна, ништо. Одеднаш ме снема од лицето на Македонија. Што за мене е всушност голем успех.

На успешниот атлетски тренер Никола Бориќ, пред десетина години му збоктисува цивилизацијата: ги раздава сите пари што ги има, фирмата во Хрватска им ја остава на родителите, онаа во Турција на бизнис- парнерот, ги пресекол кредитните картички и со 500 евра и еден куфер отишол да живее во шума (како јунакот на романот Доплер на Ерленд Лу). Пацери сега ќе речат, од кај бе брат 500 евра?

Вучиќ (како некогаш Груевски кај нас) има обичај да оди по места за да го слушне „гласот на народот“, па ги сослушува, запишува нешто, им вика дека ќе им го реши проблемот, ги задолжува неговите да видат што е работата... Некои враголани му монтирале аудио од оние ТВ тестемониали со иљачи за реума, простата... Мајтапџии веќе го викаат Аца Тарот и прашуваат дали може да помогне за хемероиди.

Саборскиот застапник на Мост, Анте Кујунџиќ, поднесе неколку амандмани на законот за родителска поддршка: и она оние кои посвојуваат дете да им се признае право на еднократен надомест како за новороденче, како и да добијат родителско отсуство без разлика на возраста на детето. Владеачкото мнозинство ги одби амандманите на Кујунџиќ кој е татко на три посвени деца.

Грбот потсетувал на реал-социјалистичките грбови на некои постсоветски републики. Ова не е никаков валиден аргумент. Грбот на НР Кина исто така прикажува класје од жито, па сепак Кина денеска е светски лидер во технологија, супербрзи возови, суперкомпјутери, роботика и вештачка интелигенција. Грбот со класје ниту нив ги направил заостанати, ниту пак нас лавот и круната ќе нè направат понапредни.

Извесен Хранислав Димитријевиќ го ранил лоповот додека овој го пљачкал и туку почнуваат проблемите. За Хранислав. Апашот го тужел за обид за убиство и нанесување тешки телесни повреди. Иако веќе има исплатено повеќе илјади евра за отштета, го чека ново рочиште - лоповот сега бара милионска сума за душевна болка и претрпен страв. Кој вика дека балканската правда не води сметка за обичниот човек, т.е. лопов?