Толку добро го научила напамет она што треба да го каже што нема да дозволи едно обично паѓање во несвест да ја спречи да го каже текстот. Греота. Не е убаво да се смеете, ама, ние ќе ве разбереме. Други се тие што судат и очекуваме да се појават по коментари.

Приказна од 21-от век за куќата на духовите во Штип, "мистерија која трае со децении". Минувањето покрај куќата било стресно, пречекорувањето на нејзиниот праг било клетва. Присутните вампири ќе да се радикални фундаменталисти бидејќи проблеми прават само кога во куќата се наши, а кога има муслимани, ги оставаат раат. Ете, тоа. А ствaрно мислевте дека во овој век ќе кажуваме приказни за коли што летаат?  

А, господа амбасадори!? Таа ја уживаше вашата поддршка и уважение, редно е да ѝ се помогне на жената и да се рехабилитира. Ако еднаш рекетирала, не значи дека ќе го повтори делото! А може и Вилма Рускоска да ја вратиме која на повторено судење, наместо 300, ќе бара 600 години робија.