Најпопуларните Википедија страници за 2023

Википедија на англиски оваа година собра над 84 милијарди прегледи, според бројки соопштени од Фондацијата Викимедија, непрофитната организација која стои зад бесплатната и јавно уредувањата онлајн енциклопедија. Најпопуларната статија за оваа година, очекувано, се однесува на ЧетГПТ.

Најкликаната статија на Википедија за 2023 е онаа посветена на ЧетГПТ (целосното име е Chat Generative Pre-Trained Transformer), кој навлезе во јавната свест пред само една година, а веќе е присутен во училиштата, здравството, правото па дури и во верските обреди. Оттаму, и не е чудно што корисниците на Википедија отишле на сајтот за да се запознаат со дебатите за потенцијалните опасности и предности на генеративната вештачка интелигенција.

Втората најчитана статија на Википедија за 2023 е многу поинтересна - годишната листа на починати, која во последно време доживува растечка популарност. Во 2022 таа беше на четвртото, а во 2021 (веројатно поради пандемијата) беше дури на првото место на најчитаните статии. Поединечни текстови за познати личности кои починаа оваа година исто така предизвикаа голем интерес, како оние за Метју Пери и Лиза Мари Присли.

На трето место е високо очекуваното (добро не е баш такво кај нас) светско првенство во крикет, а на четвртото следи Индиската премиер лига во истиот спорт. Петото и седмото место го заземаат филмот Опенхајмер односно биографијата на Џ. Роберт Опенхајмер. Од значајните светски политичко-воени настани фигурира Украина но на далечното 24-то место.

Во бројки тоа изгледа вака:

1. ChatGPT: 49 490 406 прегледи

2. Deaths in 2023: 42 666 860

3. 2023 Cricket World Cup: 38 171 653

4. Indian Premier League: 32 012 810

5. Oppenheimer (film): 28 348 248

6. Cricket World Cup: 25 961 417

7. J. Robert Oppenheimer: 25 672 469

8. Jawan (film): 21 791 126

9. 2023 Indian Premier League: 20 694 974

10. Pathaan (film): 19 932 509

11. The Last of Us (TV series): 19 791 789

12. Taylor Swift: 19 418 385