Министерот Кенеди објави дека ги повлекол препораките за вакцинирање на здрави деца и бремени жени за да не се чека на извештајот од советодавното тело на Центрите за превенција и контрола на болести.
Експертскиот панел на ЦДЦ се состанува во јуни за да ги обнови препораките за вакцинирање за есенската сезона на превентивна имунизација. Беше најавено дека експертите ќе препорачаат ревакцинирање за луѓето од најризичните групи, а на оние со низок ризик ќе им се даде право самите да решат дали ќе примат „бустер“.
Досега се следеа препораките од експертите за инфективни болести сите Американци на возраст над 6 месеци еднаш годишно да бидат ревакцинирани.
Breaking ..per order of Robert Kennedy..
— Chris from Massachusetts AKA TommyboyTrader (@autumnsdad1) May 27, 2025
“Today, the ‘Covid Vaccine’ for healthy children and healthy pregnant women has been removed from the CDC recommended immunization schedule…” -HHS RFK Jr.
pic.twitter.com/vMxXyvPfnJ
Кенеди објасни дека немало потреба препораката да важи и за децата, бидејќи нема клинички податоци што би ја поткрепила таквата одлука.
Особено остра е промената на политиката во однос на бремените жени. До соопштението на Кенеди, на официјалната страница на ЦДЦ беше објавено дека бремените жени се меѓу лицата за кои е особено важно да бидат ревакцинирани.
Бремените жени и оние по бременоста се соочуваат со зголемен ризик тешко да се разболат од ковид-19 во споредба со другите жени, пишуваше во препораката.
Администрацијата за храна и лекови пред една недела објави дека рутинските одобрувања за вакцини против ковид ќе бидат ограничени само за лицата на возраст над 65 години и за помладите со висок ризик, сè додека не бидат спроведени нови истражувања за ефикасноста и можните несакани ефекти кај здравите возрасни луѓе и децата.
