Многумина мислат дека популарноста на овој фонт се должи на одлуката на Стив Џобс да го искористи во Епл меѓутоа дизајнот постои неколку децении пред да се појават компјутерите.
Зад елегантната Хелветика стојат швајцарските дизајнери Емил Рудер и Армин Хофман од Базелската школа на дизајн кои во 50-тите и 60-тите години го промовираат швајцарскиот стил во дизајнирањето (Helvetica е латинскиот назив за земјата) .
"Основната задача на типографијата е да ја пренесе информацијата во пишувањето" ќе рече Рудер објаснувајќи ја филозофијата на едноставноста во нивните трудови.
Официјално, Хелветика е пуштена во употреба во 1957-ма под оргиналното име Neue Haas Grotesk. Од Базел фонтот бргу се проширува и во САД (кога американските студенти се вратиле во својата земја).
Ќе најдете и хејтери на Хелветика но тоа е судбина на сечија популарност; тоа е еден од ретките дизајни кои му се препознатливи и на не-дизајнерското око. Чиста, економична, елегантна а компаниите често ја одбираат за лого како "сигурно решение".
Погледнете кои сè светски брендови се напишани на Хелветика фонт кој заслужи да има и филм за него.
