Фронтменот на Мегадет, Дејв Мастејн, ламентираше над зголемените трошоци на турнеите и нивните ефекти врз цените на билетите за нивните концерти.
Тој се пожали дека екипа како Мегадет, еден ден на пат може да ги чини и 50.000 долари.
„Имаме човек за светло, човек за звукот, за монитор. На сцена имаме техничар за тапани, техничар за гитара, техничар за бас и уште еден монитор. А зад сцена се возачите на автобусите, на камионите, луѓе од кетеринг...“.
За сите нив требало хотел, треба јадење....
„И после некој ќе ја види цената на билетите и ќе рече, не, не плаќам 75 долари за тоа. Мислам дека не е фер,“ вика Мастејн.
Вика дека на големите бендови како Ајрон Меиден или Ганс енд роузис им е полесно отколку на малите бидејќи потешко можат да ги уценуваат со екстра трошоци за хотели, обезбедување и слично.
Мегадет се на турнеја по Јужна Америка во 2024. За концертот во Буенос Аирес картите им се од 3.800 до 18.000 денари.
