Народите на овие простори уживаа најголеми слободи кон крајот на 80-тите години, оценува во еден серијал на Радио Слободна Европа, загрепскиот писател Миљенко Јерговиќ.
„Тоа беше најслободниот период кој мојата генерација го памети и најслободниот период кој овие земји воопшто ќе го паметат. Тоа е период која вистински бевме најблиску до Запад. Тоа најдобро можеше да се види преку рок музиката. Денеска заостануваме и зад Источна, а не па зад Западна Европа. Наместо тоа, добивме некаков тескобен источноевропски новокомпониран капитализам, со полуразбојничка првобитна акумулација на капиталот“.
Јерговиќ смета дека на Балкнот ниедна војна сè уште не е завршена, ни онаа од 90-тите, ни Втората, па ни Првата светска војна.
„Нашите војни никогаш и не се водеа затоа што ние премногу се разликуваме, туку затоа што не се разликуваме доволно. Војните беа водени за воспоставување, за создавање поголеми разлики.“