Според шефот на одделот за меѓународно право на швајцарското министерство за надворешни работи, Валентин Зелвегер, од овие пари околу 765 милиони долари се средства распоредени на најразлични сметки на Хосни Мубарак. Останатите седумдесетина милиони се на поранешниот туниски претседател, Бен Али.
"Со Египет и Тунис, Швајцарија се соочи со случаи чија големина нема преседан," изјавил Зелвегер, кој нагласил дека Швајцарија е единствената земја на светот која јавно ја признава вредноста на блокираните износи.
Блокираниот имот вклучува средства од сметките на 32 лица поврзани со Хосни Мубарак и 45 лица поврзани со Бен Али.
На прашање зошто бавно оди враќањето на парите, Зелвегер изјавил: "Тие сами одредуваат со која брзина ќе тече процедурата."
