Информацијата ја објави членот на иранскиот парламент задолжен за национална безбедност и меѓународна политика, Хусеин Асфари, кој порачал дека се надева дека ова ќе доведе и до кревање на санкциите против Иран, во знак на добра волја за нивниот потег.
Одлуката доаѓа кратко откако економијата на земјата речиси тотално колабираше по 400-процентниот пад на вредноста на државната валута.
Според Меѓународната агенција за енергија, Иран има околу 90 кг. ураниум со 20-процентна чистота. Процените на експертите се дека се потребни меѓу 200 и 250 килограми за една нуклеарна ракета.
