На Михаил Кретшмер му е јасно дека секакви муабети за преговори со Русија ќе бидат „горки за Украина“ но инсистира дека е дојдено време за сериозна дискусија ако се има предвид реалноста од континуираните борби во регионот и пошироките последици од таквиот конфликт.
„Знам дека ова е малцинско мислење и дека другиот став е далеку попопуларен. Како и да е, се залагам повеќе да се размисли за ова.
Ќе биде горчеливо за Украина да тргне по овој пат, но која е алтернативата?“ изјавил Кретшмер за германски Билд.
За Кретшмер Германија и Франција би играле главна улога во ваквото примирје и мировниот договор што следува.
На изјавата на Кретшмер реагира Андриј Мелник, до неодамна украински амбасадор во Германија, кој на Твитер на премиерот на Саксонија му порачува:
„Украинците се залагаат да си ја ставиш главата во замрзнувач за да ги замрзнеш твоите жешки руски фантазии.
Твоето константно умилкување на воениот злосторник Путин е одвратно.“
Со изјавата на својот сопартиец не се согласува ни претседателот на ЦДУ, Каи Вегнер, за кого со Путин е невозможен мировен договор.
Кретшмер е прв повисок германски функционер кој застранил и од официјалната германска држава политика која упорно стои на тоа дека „Украина мора да победи по секоја цена“.
