НПР прави репортажа за агентот за недвижности, Марк Адкинсон, кој вози по селата низ Галиција и на куќите остава флаери во кои ги прашува сопствениците дали би сакале да ја продадат куќата.
Тој им го покажува селото О Пенсо, кое има:
- површина од 40 хектари (400 илјади метри квадратни)
- вкупно 6 куќи, од кои најголемата има 5 спални соби и поглед на овоштарник со праски, сливи, јаболка, круши и ореви
- бесплатна вода од бунар
- комплетна селска пекара, со камена фурна
- оддалечено е околу 10 километри од плажа и "едни од најдобрите сместа за сурфање во Европа."
Почетната цена за целото село е 230 илјади долари, ама има простор за договарање. Помалите села со помалку плодна земја се продаваат и за десетици илјади долари.
Потенцијалните купувачи вклучуваат британски пензионери, и Индиец кој сака селцето да го претвори во јога центар.
Последниот жител на О Пенсо починал пред една деценија, по што селото останува ненаселено за прв пат по 500 години.
НПР зборуваат и со градоначалникот на Кортегада, рурален град во јужна Галиција. Под негова власт спаѓа друго едно напуштено селце. За разлика од О Пенсо, ова не го продаваат, туку го подаруваат без никаков надоместок.
"Гратис! Некој само треба да вети дека ќе ги реновира 12-те руинирани куќи. Прекрасни се - идилични. Само ни треба да најдеме некој што во овој век ќе живее тука," објаснил градоначалникот.
