Доминантното размислување вели дека целиот Универзум и сè што има во него настанале од една точка, според тн Бинг Бенг сингуларност (примордијални чорби и други концепти кои за нормален човек не вршат работа).
Е не, немало никаква прежешка каша туку имало преладна... што ти ја знам. Главно, ладно.
Носител на оваа теориска заврзлама е Кристоф Ветерих од Хајделберг и истата ја изведува од едно свое поранешно тврдење дека Универзумот не се шири како што сега се верува туку дека - се дебелее, затоа што се зголемува вкупната маса во него.
Да бидеме искрени, последново е прилично разбирливо ако си ја споредиме својата денешна тежина со онаа од нашите најдобри времиња.
А за самото ширење, Ветерих вели дека не се шири објектот (универзумот) кој го мериме, туку дека се намалува ленирот со кој тоа го правиме.
Шегаџија.
