епилог од данокот

Франција покуса за милион работни места

1. Француската влада воведува драконски даноци за богатите. 2. Богатите ја напуштаат Франција. 3. Франција губи еден милион работни места.

Ригидниот даночен режим во Франција предизвика вистинско стампедо на богати луѓе надвор од земјата.

Не само познати како Депардје или Жан Мишел Жар; 60 илјади богати Французи живеат надвор од својата матична држава. А секој од нив просечно вработува по 16 луѓе. Да останеа дома, земјата ќе имаше дополнителни милион работни места, проценува тинк-тенк друштвото Конкорд.

Владата на Оланд воведе 75 проценти данок на сите заработени суми над еден милион евра што се уште предизвикува гнев меѓу богаташите.

Освен напуштање на земјата, видлива е и паника околу продажба на луксузните недвижности која цвета во последните месеци. 500 повеќе-милионски зданија во Париз ги смениле досегашните сопственици.

Лондон е една од омилените дестинации на пребегнатите Французи. Само во првите три месци од годинава, за 30 проценти е покачена продажбата на лондонски куќи вредни над 5 милиони фунти на Французи.

А француската јавност му се налути на британскиот премиер Камерон кога во една прилика изјави:

"Ако Франција го оствари планот за 75 процентен данок, ние ќе им постелеме црвен тепих на богатите Французи: кај нас ќе имаат да платат и данок а ќе им остане за школство, здравство и се друго".