Апликацијата по дизајн бара од тебе да одбереш кој пакет ќе го користиш, да уплатиш за него, па после тоа да почнеш со „работа“. Кој пакет ти е уплатен таква ќе ти биде и исплатата.
Работата е лајкање на клипови на Јутјуб и други социјални мрежи, а во зависност од активноста за возврат можеш да заработиш и до сто евра дневно.
Грејпфрут медиа освен од членарината парите ги прави и од продавање на лајкови на најразличните социјални мрежи.
Од средата апликацијата е комплетно неактивна, не е познато дали е блокирана на смартфоните или луѓето зад неа решиле да ги соберат парите и да ги снема.
Околу апликацијата ги има следните приказни:
„Еден другар ме вмрежи, а јас вложив 300 долари и веќе за 15 дена на мојата сметка имав заработено 450 долари.
Одма се позајмив и вложив уште 1.000 долари, бидејќи колку е поголем влогот толку е поголема заработката. Но денес на сметката немам ни долар,“ изјавил за српските медиуми соговорникот од Нови Пазар.
По гасењето во приказната ќе се вклучат и истражните органи кои сега ќе откриваат кој стои зад измамата.
