Да нема никаков запис за градењето на Азовстал и за 5.000 години од сега тој да биде откриен од некои идни луѓе, тие ќе бидат идентично избезумени од комплексноста и лавиринтите на подземниот дел од комбинатот како што ние денес сме од египетските пирамиди. Тука се дочекува и испраќа апокалипсата.

Заради опасност од поморски мини, на целото крајбрежје на Одеса целосно е забрането бањањето и влегувањето во вода. Сончање може, ама влегување во вода, не. Едно толкување на овие правила е дека може вадење вода, наместо влегување во нејзе.

Само од грузиската Легија на странци, до сега 1.000 волонтери загинале на фронтот во Украина, и не затоа што Русите се поголеми борци од нив, туку заради жален недостаток на опрема.

По зборовите на Зеленски, битката за Северодонецк е една од најтешките битки на целата војна и таа ќе ја одлучи судбината на цел Донбас.

Репотажа од деминирање патека во Украина која многу успешно исклучува еден клучен детал што нема да го фатите дур не ви го кажат, па после ќе ви дојде незгодно од сами себе.

Ситуацијата со која треба да се бори украинскиот генералштаб е: борбени сили кои се премногу развлечени на фронтот, и неможност за стопирање на борбите бидејќи секое паузирање ќе биде од корист на Русија.

Судбината на Донецк и Украина се решава на улиците на Северодонецк, порачува Зеленски, а снимките од уличните битки покажуваат дека и украинската армија идентично го сфаќа градот и неговата одбрана.

Половина од Германците и сите држави сојузници веруваат дека германскиот канцелар може да направи многу повеќе за да и помогне на Украина. Прашањето на Шпигел е „тогаш зошто не прави?“

Мапа на воените дејствија во Украина од прв ден, па некаде до крајот на мај. Чисто, клиничко, ладнокрвно, со нула емпатија, како да е анализа на шаховска партија.

Ако Западот не најде начин да ја залечи економската болка низ која минува, единството околу санкциите полека ќе го снема.

Украинскиот коментар беше „како ова воопшто е легално?“.

Војните во странство обично се најпопуларни на почетокот, посебно ако на американската јавност и се рекламирани во морално апсолутни термини, меѓутоа освен ако не се завршат релативно брзо со одлучна победа, јавната поддршка и политички консензус почнуваат да се распаѓаат. И изгледа дека токму ова се случува со војната во Украина.

Виктор е војник на народната милиција на ДНР кој бил заробен од Украинците и кој, според руските медиуми, бил толку измачуван (столчен череп / искршена рака и прсти / боден со нож во грб) што е чудо што преживеал. Вака очекуваните руски тврдења за украински злостроства добиваат на тежина во моментот кога еден заробен Украинец ќе го здогледа Виктор.

Авторот на Хил ја почнува својата колумна со цитат од Шерлок Холмс кој во една ситуација порачува „Кога ќе го елиминираш невозможното, тоа што ќе остане, без разлика колку неверојатно, мора да е вистината.“

Наместо нови модели на тенкови и оклопни возила за украинската армија, Германија повторно реши да ја третира Украина како еден масовен отпад во кој завршува старата железарија што не би можела да се потроши ако нема војна.

Секој изминат ден од почетокот на годината во Русија (во просек) се влеваат по околу 800 милиони долари, и тоа е само од нафта и гас, без другите.

Људмила Денисова, жената позната по тврдења од типот „во Буча Русите силуваа 11-годишно момче пред очите на својата мајка која беше врзана за стол и присилена да гледа“ е сменета од украинскиот парламент затоа што нејзините изјави се неосновани и повеќе и штетат на кредибилноста на Украина отколку што и помагаат.

Странски / локални новинари кои патуваат заедно со украински единици дремат на некој пат во некоја украинска недојдија. Најверојатно на камера ги фаќа некој руски дрон кој им ја пренесува позицијата на околните артилеријци. И една дилема од ова: дали е среќа да падне бомба на пет метри од тебе или несреќа да падне бомба на пет метри од тебе.

Веќе три месеци цел Запад инсистира дека војната во Украина може да заврши само со победа за Украина, тоа што не им е толку строго дефинирано е што точно е „победа“.