Да, убаво прочитавте. Прашањето делува необично затоа што сметаме дека вредноста на нашата планета е непроценлива. Но еден астроном успеал да ѝ стави цена. Таа во моментов е превисока, но како што сме тргнале, наскоро може да биде на попуст.

Ти си прв човек на компанија и сам бираш дали е буџет за маркетинг, истражување и развој, поправки... е, кој и да е, веќе е потрошен, а имаш уште 5 месеци од годината што треба да ги истераш. Изборот е или ќе пропаднеш (што не е решение), или ќе се позајмиш, со ветување дека догодина ќе пазиш и ќе вратиш што должиш. Ама така се позајмуваш повеќе од 40 години и секоја следна година е полошо.

Шпанскиот фудбалски клуб Мостолес Боломпје се преименувал во ФК Рамна Земја, со цел да ги обедини сите поборници на псевдонаучната теорија дека нашата планета не е топка.

По половина век шпекулации астрономите тврдат конечно го потврдиле постоењето на две месечини кои орбитираат околу планетава. Само за разлика од оваа што ја знаеме, овие две се целосно составени од прашина.

Периодов на неколку локации во Британија комплетно се распродадени влезниците за рејвои во кои му се оддава почит на Атенбороу и неговите документарци.

Не е сè во големината, посебно ако не е во твоја корист. Видео со крајно висок капацитет за набивање комплекс или отворање нови перспективи (кој по што е) за големината на нашиот свет во однос на остатокот од Универзумот.

Единствен момент кога ајкула не е заинтересирана да изеде фока или туна, е кога сите три му се намерачени на многу поситен и помалку проблематичен плен. Дури и на китот не му пречи да се вклучи во вака нефер разнебитувањето на јато сардини.

Што се однесува до видеото сè е оригинал, барем во однос на снимката, нема компјутерски ефекти и слично. Ок, има многу монтажа во корист на приказната, ама видеата се автентични. Кај аудиото речиси сè е лажњак, ама па оди натерај тонец да и стави микрофон на бела мечка.

Идејата е врвниот документарец на Бибиси, да изгледа како врвен филм. Уште една работа, Бибиси снима документарци за природата од 1957 (за споредба Радио-телевизија Скопје почнува со емитување на ТВ сигнал во 1964).

Клучно за снимката е што е направена на остров кој толку нема контакт со човечка цивилизација, што животните се уште немаат научено да се плашат од луѓето, па човек може да ги снима сред работа. Втора клучна работа е бебе игуана кое мора да мине преку змијско гнездо за да дојде до своите родители.

Кога го најавија вториот серијал од Планета Земја, општото расположение беше: нема нешто подобро да состават од кецот, ама барем ќе има нови снимки со тој квалитет (кој и онака е нечовечки висок). Наспроти вака неамбициозните очекувања, двојката од Планета Земја изгледа е следното ниво во документарците за природата.

Студијата ја прават астрономи од УKЛА, ја објавува журналот Сајанс, а откритието е дека Земјата се всушност две планети кои се споиле при нивната колизија пред 4,5 милијарди години. Во истиот судир е настаната и Месечината.

Вчера, четврток, 13-ти август, е денот кога ги истрошивме сите ресурси што Земјата може да ги произведе за годинава. Во основа ова му доаѓа како денот во месецот кога си ја потрошил платата и до следната живееш на вересија. И ова секоја година се случува сè порано од кога и да било до сега.

После долгата и неподносливо досадна зима која ја истрпевме, човек може да помисли дека облаците се доминантна појава на нашето небо. Добредојдовте на планетата Земја.

Истите луѓе што го снима ненадминатиот серијал документарци Планета Земја, со Нетфликс договорија снимање на нова сезона од 8 епизоди. Двојката ќе се вика - Нашата планета.