Насмеан, презадоволен, пресреќен, капитенот се врати во Италија и вчера веднаш се чекираше на тренинг со екипата. Соиграчите трчаа по него за да му честитаат, а навивачите не можат да изберат зборови за да му честитаат за историјата која ја испиша со Македонија.

Основан во далечната 1893-та, фудбалскиот клуб Џенова важи за најстар во цела Италија. Нивниот дрес веќе неколку сезони со голем успех го носи капитенот Горан Пандев кој лани ги спаси од испаѓање од Серија А.

Ти благодариме Елиф што ги измеша како бавча, ти благодариме Нестор за асистенција, ти благодариме Горан за голот за кој претходно само сонувавме дека ќе го доживееме. Благодариме на цела репрезентација од селекторот до магационерот.

За малце :)

Првото навистина, второто фигуративно како паралела за тоа од колкава важност е неговото присуство во репрезентацијата и тоа што го направи за неа. Не заборавајте дека селекцијата ја носи на плеќи со 37 години. Не се раѓа пак ваква легенда.

Нашите фудбалски јунаци се во транс во Гранд Плаза. Ристовски и Алиоски повторно со иструменти в рака, Пандев во елемент, заедно со Николов, Нестор и уште ред други. Ова е историја за македонскиот спорт која одекна во цела Европа и треба достојно да се прослави. Уживајте момци. Заслуживте.

На денот кога одбележа убав јубилеј 5 години селектор на Македонија, Игор Ангеловски го доживеа најголемиот успех во кариерата.

Игра 17 сезони во Серија А, освои вкупно 9 трофеи со Лацио, Интер и Наполи, стана светски и европски првак со Жозе Мурињо, но во една прилика изјави дека би ги менувал сите трофеи за едно учество со Македонија на ЕП.

Голот кој го чекавме со години, голот за кој мечтаеа и фудбалерите и ние новинарите и цела македонска јавност. Голот кој ќе остане во аналите на македонскиот спорт. Браво мајсторе и за тебе, но и за Елмас и Нестор. Мозок им испивте со акцијава.

Дебитираше за репрезентација на квалификациски меч за СП против Турција во јуни 2001. 19 години подоцна уште го носи истиот дрес со кој стана рекордер по број на настапи (113) и голови (35). Нема репрезентативец кој не се изразил во суперлативи и кој не е горд што игра со него.

Најдобриот македонски фудбалер во историјата, капитенот Пандев во четврток вечер по 114-ти пат ќе ја поведе репрезентацијата во нова битка. Овојпат највредна во неговата репрезентативна кариера.

Македонската фудбалска репрезентација почна да се собира во Скопје во пресрет на исторскиот меч, а македонската јавност може да се смири, бидејќи попладне во Скопје пристигнува капитенот за кој синоќа се појави информација дека нема да го пуштат од Италија.

Неубави вести пристигнуваат од Италија во очи на финалето на Македонија против Грузија за пласман на ЕП 2021. 

ЛШ вечерва стартува со групна фаза, а една од екипите во фокусот е Лацио од кој УЕФА направи компилација со врвни голови на многу легендарни имиња. Меѓу голчиштата на Верон и Михајловиќ се наоѓа и Горан кој го фрли во делириум Олимпико против гигантот од Мадрид.

Во 4. коло од Лига на нации, Македонија ремизираше 1:1 (0:0) со Грузија и освои важен бод, особено ако се знае дека повеќе од 20 минути игравме со играч помалку поради глупоста на Столе Димитриевски.

Пред еден од најважните натпревари во неговата кариера кој со душа го чекаше, се најде во булшит ситуација речиси цел тим да му биде заразен од Ковид 19. Во тие стресни моменти да не излезе следниот тест да му биде позитивен, во карантин една недела и без тренинг, сепак успеа да дојде и да изгине за Македонија. Така што да, ова е вистинското фото на денот бидејќи не мисли на годините, туку на сонот наречен ЕП.

Неговата ѕвезда е побледа, но нема да згасне кога ќе ги закачи копачките на клинец. Пандев е на некој начин како тврдината на Царевите кули што ја надгледуваат неговата Струмица, неуништлив доказ за долговечноста и прилагодувањето во разни околности.

Легендарниот Ванчо Таковски е човекот благодарение на кој струмичка Беласица изнедри сјајна генерација фудбалери која подоцна го пропатува фудбалскиот свет. Долго ќе се памети расказот на Бате Ване за сопругата, за Леонардо Да Винчи, Стојков и Пандев. И тоа во култната емисија кај Бошко Трпевски.

Да не постоеше ќе требаше да го измислиме. Луѓе 17 години да просперираш во лига каде се мисли најмногу на одбрана, па уште и да освоиш 10 трофеи и пази да стрелаш во 17 сезони е за поклон до земја. Ќе доживее ли некогаш вакво нешто друг Македонец и општо странец?

Само 9 минути игра му требаа на мајсторот на фудбалската игра со гол да ја отвори новата сезона 2020/2021 во Серија А. Топ не го бие и дели лекции по фудбал и на 37 години. Погледнете ја оваа игра еден на еден со голманот на Кротоне кој Џенова го декласираше со 4:1.

Со 37 години ја одигра својата петта, а воедно и најефикасна и најдобра сезона за Џенова со 9 гола како прв клупски стрелец. Постигна повеќе голови од имиња како Инсиње и Игуаин. Без разлика на годините, Горан не се дава и најави уште една сезона во дресот на Џенова. Уживајте, особено во мајсторијата против Бреша и евроголот над Лече.

Првите 25 минути од последното коло во Серија А му одат целосно во прилог на Горан Пандев. Џенова води 2:0 против Верона, а Лече губи 0:2 од Парма. Антонио Санабрија е двоен стрелец на Мараси, а за вториот гол доби топка од мајсторот.

Фудбалерите на Џенова си го искомпликуваа патот до опстанокот кој можеа да го остварат уште синоќа и сега втора година по ред треба да играат под притисок и да им го дигаат притисокот на навивачите.

Викендов го немаше меѓу стрелците, туку меѓу асистентите, но го има на насловните страници и тоа со највисока оценка во еден од најважните дуели на Џенова во борбата за опстанок. Фрчат пофалби за легендата.