Феенорд ја крена формата на многу високо ниво па откако во дербито среде Ајндховен го нокаутираа ПСВ со 0-4, синоќа го добија и Херенвен (3-1). Третиот гол на мечот, дело на Брајан Линсен го фрли цел „Де Кујп“ во екстаза.

Во генералка пред почеток на новата сезона, Феенорд и Атлетико Мадрид одиграа пријателска пред полн стадион во Ротердам. Холанѓаните славеа 2-1 со гол во 90+3’ минута, а Атлетико од 42’ минута играше со играч помалку поради црвениот на Јаник Караско кој за малку ќе отвореше војна по тепачката со Тајрел Маласија па Симеоне го прибра назад.

Ако денот по утрото се познава, од малиот на Ван Перси ќе биде нешто. Се вика Шакил има 14 години и игра за младинските категории на Феенорд. Во големото дерби против Ајакс У-15, постигна гол буквално во стилот на Робин.

Феенорд сезонава го предводи ветеранот Дик Адвокат и имаа добар почеток на првенството: 2 победи и 1 реми. Минатиот викенд со 4:2 го совладаа Ден Хак, а најубавиот гол на колото беше оној на аргентинскиот стопер Маркос Сенеси кој во 57’ минута за 2:1 постигна страшен погодок каков многу ретко се гледа.

Често родителите се решаваат да ги крстат своите деца во чест на некои нивни идоли, миленици или херои. Во 2000-те години во Франција имаше голем бран на деца кои го добија името Зинедин, по јунакот кој на Французите им донесе многу радости.

Феенорд од Ротердам играше против швајцарскиот клуб Јанг Бојс и мечот заврши 1:1. Од неодамна тренер на холандскиот тим е Дик (Dick) Адвокат, па навивачите на Феенорд невешто пробале да направат смешка на темата.

Стоперот на Феенорд, Стен ван Бек важи за талентиран, снажен одбранбен фудбалер, ама има една маана - едно, две па си дава автогол. Веќе е рекордер.

Ривалитетот меѓу овие два клуба е голем а стадионите на кои се игра дербито (или „Де Кујп“ или „Јохан Кројф Арена) секогаш се преполни и грмат 90 и кусур минути. Атмосферата на холандскиот Klassieker вреди да се доживее.

Феенорд во неделата, пред преполн „Де Кујп“ со 6:2 го прегази најголемиот ривал во Холандија а јунак на мечот беше ветеранот Робин ван Перси кој даде два и намести еден гол.

Иако неговиот Феенорд изгуби со 3:1 на гостувањето кај Цволе, легендарниот Робин уште еднаш покажа дека левицата му е како шило. Во 34’ минута израмни на 1:1 од слободен удар.

Ако некогаш се пишувал прирачник за младите и незрели фудбалери, првата страница ќе почне со примерот на Ројсон Дренте, Холанѓанецот за кого Руд Гулит предвидуваше Златна топка, а заврши како рапер во маалски барови.

Колку е сакан во својот Ротердам покажува и тоа што застанал да се слика со едно дете а веднаш се јавил детски џагор и толпа ученици да го гушнат.

Феенорд ги поканил децата од детската болница „Софија“ во Ротердам да бидат гости на мечот со Ексцелзиор. Гостинските навивачи во еден момент од секторот кој се наоѓал над местата каде седеле децата фрлиле стотици плишани мечиња.

После долга 14-годишна одисеја во Лондон, Манчстер и Истанбул, Робин Ван Перси на 19. јануари се врати во својот роден град Ротердам и матичен клуб Феенорд каде во 1999-та ја почна фудбалската кариера. Има 34 години и уште има неверојатен сенс за топка.

Пред точно шест години починал 5-годишниот син на голманот на Феенорд Бред Џонс. Малиот долго време боледувал од леукемија.

Лига на шампиони и Лига Европа се фронт за навивачите, па скоро и да не пројде вторник, среда, четврток а некаде на континентот да нема сцени на насилство. Така беше во Украина кога група украински навивачи нападнале Холанѓани во пабот Wall во Харков. Интересно, холандските навивачи решиле да компензираат за направената штета во кафичот и му платиле пари на сопственикот. Полицијата привела 52 хулигани на Шахтјор.

Резултатите кои летово ги постигнаа Вардар, Шкендија и Работнички на европска сцена, на македонскиот клупски фудбал му донесоа преку 2.000 бодови и високо 16. место на ранг листата на УЕФА од вкупно 55 земји-членки.

36-годишниот Дирк Кајт на најдобар можен начин се прости од фудбалот откако со хет-трик во последното коло му донесе титула на саканиот Феенорд после цели 18 години.

Чекаа, трпеа понижувања од најголемите ривали, беа пред финансиски колапс, губеа по 10-0 и имаа рекордна серија на порази но дочекаа. Дочекаа да ѝ се израдуваат на титулата што ја сонуваа од 1999. година.

Целата сезона лани Ајакс беше прв во Ередивизија, за во последното коло да влезе со исто бодови како ПСВ. На крајот ремизираа дома со Де Графшап а ПСВ го победи Цволе на гости и на неверојатен начин стана шампион. Сега Ајакс го брка Феенорд пред последното коло.

После цели 18 години, славниот Феенорд од Ротердам е на одличен пат повторно да стане шампион. Навивачите кои од 99-та чекаат на трофејот, еуфорично ги пречекаа своите миленици по враќањето од Арнхејм каде го победија Витезе.

Фудбалот е заебана игра. На секој млад талент кој се пробива има дваесет млади таленти кои пропаѓаат. Малку се оние на кои им се насмеала среќата, како на пример на Харви Езајас кој беше член на Милан во славните денови а никој не го знае.

Ајакс и ПСВ се владетели во холандскиот фудбал во последните две децении со вкупно 17 од можни 21 титула. Но Феенорд и покрај финансиските проблеми почнува да фаќа приклучок во друштво на славното трио и да атакува на титулата која последен пат ја освои кога Круз им беше шпиц.

Големото дерби меѓу Феенорд Ротердам и Ден Хаг го одбележа можеби потегот на сезоната на гостинските навивачи. Откако станало извесно дека дуелот ќе го гледаат деца со разни заболувања од ротердамската болница „Sophia“, навивачите на Ден Хаг дознале дека ќе седат во секторот над трибината каде што ќе бидат децата, па решиле да ги израдуваат.