Во сенка на Европското првенство, Словенецот Тадеј Погачар извозе рекордна рута

Еден од најдобрите светски велосипедисти, Словенецот Тадеј Погачар ја освои 15-та етапа на славниот Тур д’Франс, со дури 1,08 секунди предност во однос на најголемиот ривал Данецот Јонас Вингегор.

Тадеј Погачар и натаму може да се пофали дека е прв во генералниот пласман а предноста ја зголеми на дури 3,09 секунди пред Вингегор. Неделниот триумф на високи температури му беше трет на овогодинешното издание на Тур д’ Франс.

Втор на етапата која е долга 19,5 километри и има дури 5.071 метри успон заврши Белгиецот Ремко Евенепул со 2,51 секунди задоцнување зад Погачар.

Тадеј Погачар испиша нови страници историја во велосипедизмот откако го искачи успонот, узгорнината на Плато де Беија за 39 минути и 50 секунди што е апсолутен рекорд. Словенецот го надминал досегашниот рекорд на оваа етапа кој од 1998-ма го држеше легендарниот Марко Пантани. Ова е дури 3 минути и 44 секунди побрзо од неговиот успон пред 26 години.

Стручњаците и луѓето кои добро ги познаваат сите етапи и маршрути на Тур д’Франс тврдат дека ова е најтешката етапа на целиот Тур затоа што успонот на плато Де Белије е долг страшни 15,74 километри со нагиб од дури осум одсто а целта е на 1.250 метри надморска висина.

Погачар возел со натпросечна брзина од 23,71 км/час.

15 јули 2024 - 11:45

Штета ако сте пропуштиле

Размислувајте во сите правци

@a_anux

Утринска песна за шампиони

Паркинг. Клинички центар. Толку!